ભાવનગર: અત્યાર સુધી આપણે હોસ્પિટલની અંદર સરકારી કચેરીઓની અંદર આખલાઓને ફરતા જોયા છે. પરંતુ ક્યારેય ત્રણ માળની બિલ્ડીંગ ઉપર ચઢેલા આખલાને જોયો છે..? નહીં જોયો હોય. તો જોઈ લો. આ ઘટના છે ભાવનગર ચિત્રા GIDC વિસ્તારની જ્યાં એક આખલો ત્રણ માળની બિલ્ડીંગ પર ચઢી ગયો હતો.
ઉલ્લેખનીય છે કે છેલ્લા ત્રણ દિવસથી આ આખલો બિલ્ડીંગ પર ફસાઈ ગયો હતો. જે અંગે ફાયર બ્રિંગેડને જાણ કરાતા ફાયર બ્રિગેડની ટીમ ઘટના સ્થળ પર પહોંચી ગઈ હતી અને આખલાનું બિલ્ડીંગ પરથી રેસ્ક્યું કરાયું હતું.
આ દ્રશ્યોમાં જોઈ શકાય છે ફાયર બ્રિગેડના અધિકારીઓની હિંમત. કારણ કે આખલાને કાબુમાં લેવો ખુબ મુશ્કેલ છે. દ્રશ્યોમાં જોઈ પણ શકાય છે કે આખલો કેવી રીતે કર્મચારીઓ પર હુમલો કરવાની કોશિશ કરી રહ્યો છે. જોકે ભારે મહેનત બાદ આખલાને ત્રણ માળની બિલ્ડીંગ પરથી આખલાને ઉતારવામાં સફળતા મળી હતી.
આપને જણાવી દઇએ કે ભાવનગર શહેરના ચિત્રા જીઆઇડીસી વિસ્તારમાં આવેલ ગુજરાત હાઉસીંગના ત્રણ માળિયાના મકાન પર ત્રણ દિવસ પહેલા એક આખલો ચડી ગયો હતો જો કે સ્થાનિકો દ્વારા અહીંના સ્થાનિક નગરસેવકને આજે જાણ કરતા નગરસેવક કાન્તીભાઈ ગોહિલે ફાયર ફાયટરને જાણ કરતા ફાયરફાયટર ઘટના સ્થળે આવી અને આખલાનું રેસ્ક્યુ કર્યું હતું.