ભાવનગર: જીલ્લાના સિહોર પોલીસ સ્ટેશનમાં ગીરીશ જીવરાજભાઈ બારૈયા નામના શખ્સ દ્વારા આત્મવિલોપનનો પ્રયાસ કરવામાં આવ્યો હતો. ગંભીર રીતે દાઝી ગયેલા ગિરીશ બારૈયાનું મોડી રાત્રે મોત થયુ છે.
આ અંગે પ્રાપ્ત થતી વિગતોનુસાર હીરીશ બારૈયા દ્વારા તાજેતરમાં જ સિહોર પોલીસને બાતમી આપવામાં આવી હતી કે જયેશ ભાણજી નામનો શખ્સ દારૂ વહેચતો છે. જ્યારે બાતમીના આધારે પોલીસે રેડ કરીને આશરે 121 પેટી વિદેશી દારૂ પણ ઝડપી લીધો હતો. બાતમીદાર ગીરીશને જયેશ ભાણજી નામના શખ્સ દ્વારા ધમકી આપવામાં આવતા ગીરીશએ ડરના પગલે આત્મવિલોપન કરી લીધું હતું.
આત્મવિલોપન કરનાર સિહોર પોલીસે ગીરીશને ભાવનગર હોસ્પિટલ ખાતે ખસેડ્યો છે. જ્યાં પોલીસ કાફલો દોડી આવ્યો હતો. પોલીસે ગિરીશના પરિવારને હાલ કડક સુરક્ષા આપી છે. અને આગળની કાર્યવાહી હાથ ધરી તપાસ શરૂ કરી છે.