ભાવનગર: ડોલરના ભાવમાં વધારો થતાં અલંગમાં મંદીનો માહોલ

ભાવનગર: દિવસે દિવસે આંતરરાષ્ટ્રીય ચલણ અમેરિકન ડોલરના ભાવમાં વધારો થઈ રહ્યો છે. ડોલરના ભાવ વધતા એક તરફ મોંઘવારી વધી રહી છે.. તો બીજી તરફ ઉદ્યોગો પર પણ અસર થઈ રહી છે. ડોલર સામે ભારતીય રૂપિયાનો ભાવ ઘટતા અલંગ શિપબ્રેકિંગ  યાર્ડમાં પણ તેની અસર જોવા મળી છે.

આપણે સૌ જાણીએ છીએ કે ભાવનગર જિલ્લામાં લાંબો દરિયો કિનારો હોવાને કારણે 1982થી ત્યાં જહાંજ ભાંગવાનો ઉદ્યોગ ચાલી રહ્યો છે.  જો કે ડોલરના ભાવમાં વધારો થતાં જહાજ ભાંગવાનો વેપાર ઠપ થયો હોવાની માહિતી મળી છે. 6 મહિના પહેલા ડોલરનો ભાવ 64 રૂપિયા હતો. હાલના સમયમાં ડોલરનો ભાવ 70 રૂપિયા પહોંચતા વેપારીઓ વેપાર કરી શકતા નથી. જે જહાજો અહીં ભાંગવા આવતા હતા તે હવે પાકિસ્તાન અને બાંગ્લાદેશ તરફ ચાલ્યા જાય છે કારણે કે તેમની કરન્સી માં કોઈ ફેરફાર થયો નથી. હાલ અલંગનો ઉદ્યોગ 15 ટકા ની નુકશાની ભોગવી રહ્યો છે.