જનાદેશ / Bhavnagar Municipal Corporation Result : ભાવનગર મનપાની ચૂંટણીમાં ભગવો લહેરાયો, ઈતિહાસમાં પ્રથમ વખત બની આવી ઘટના

• ગુજરાતની 6 મનપાની ચૂંટણીના પરિણામો
• ભાવનગર કોર્પોરેશનમાં 49.47 ટકા મતદાન નોંધાયું
• ભાજપની ઐતિહાસિક જીત

ભાવનગરમાં ભાજપે સર્જયો ઇતિહાસ 

ગુજરાતમાં મહાનગર પાલિકાની ચૂંટણીના પરિણામો સામે આવતા જ ભારતીય જનતા પાર્ટીનો ફરીવાર ભગવો લહેરાયો છે. તમામ મહાપાલિકાઓમાં ભાજપનો ભગવો લહેરાયો છે પરંતુ ભાવનગરમાં તો ભાજપે આ વખતે ઇતિહાસ સર્જ્યો છે. ભાવનગરમાં ભાજપે ઇતિહાસની સૌથી વધુ બેઠકો જીતવાનો રેકોર્ડ બનાવી લીધો છે. આ પહેલા વર્ષ 2010માં ભાજપે સૌથી વધુ 41 બેઠક જીતી હતી. જે બાદ હવે વર્ષ 2021માં ભાજપે સૌથી વધુ 43 બેઠક મેળવીને ઇતિહાસ સર્જ્યો છે. 

સતત છઠ્ઠી વખત ભાવનગરમાં ભાજપની થઈ જીત

ભાજપ શહેર પ્રમુખ રાજીવ પંડ્યાએ જણાવ્યું કે, વિકાસના મુદ્દાને ધ્યાને રાખીને લોકોએ મત આપ્યા છે. આગામી દિવસોમાં ભાવનગરનું વધુ વિકાસ કરીશું.

જાણો કોણ કઇ બેઠક પર જીત્યું?

કોંગ્રેસ ડબલ ડિજીટમાં પણ ન પહોંચી શકી, હારની જવાબદારી સ્વીકારી

ભાજપે મનપામાં સૌથી વધુ બેઠક જીતી છે ત્યારે કોંગ્રેસે હાર સ્વીકારી છે. કોંગ્રેસ ડબલ ડિજીટમાં પણ ન પહોંચી શકી. કોંગ્રેસની 9 બેઠકો પર જીત થઇ છે. ત્યારે શહેર કોંગ્રેસ પ્રમુખ પ્રકાશ વાઘાણીનીએ રાજીનામું આપ્યું છે અને હારની જવાબદારી સ્વીકારી છે.

કોંગ્રેસના આ ઉમેદવાર 7મી વખત જીત્યા

જોકે કોંગ્રેસના ભરત બુધેલીયા સતત 7મી વખત જીત્યા છે. જીત મેળવ્યા બાદ કોંગ્રેસ ઉમેદવાર ભરત બુધેલીયાએ લોકોના આભાર માન્યો છે. તેમણે કહ્યું કે, આ નિષ્ઠા અને પ્રમાણિકતાની જીત છે. આ અમે જે કામ કર્યા છે તેની જીત છે.