સ્વચ્છતા! / ભાવનગરમાં મનપા સાફ સફાઈને નામે નાગરિકોના ખીસ્સા કરી છે સાફ, મળતિયાને કરોડો અપાવવાનો કારસો

• ભાવનગર મનપા દ્વારા પ્રજાના પૈસાનો વેડફાટ
• રસ્તા સાફ કરવા વસાવેલા મશીન ખાઇ રહ્યાં છે ધૂળ
• મોંઘાદાટ મશીનો ખરીદી ધૂળ ખાવા મુકી રખાયા

ભાવનગર મનપા દ્વારા પ્રજાના પૈસાનો વેડફાટ કરી રહી હોવાના આક્ષેપ થઈ રહ્યા છે. રસ્તા સાફ કરવા વસાવેલા મશીન હાલ તો ધૂળ ખાઇ રહ્યાં છે. સ્વચ્છતા અભિયાનના ઢંઢેરા પીટીને મોંઘાદાટ મશીનો ખરીદી ધૂળ ખાવા મુકી રખાયા હોવાનો પણ ગણગણાટ થઈ રહ્યો છે. 85 લાખના ખર્ચે 2 વર્ષ પહેલા મશીન ખરીદ્યા હતા. અગાઉ લાવેલા મશીન પણ ઉપયોગમાં નથી લેવાયા 2.5 કરોડનું નવુ મશીન લાવવાની તજવીજ ચાલી રહી છે. નવા મશીનનું ગઇકાલે ટ્રાયલ કરવામાં આવ્યુ હતું. ત્યારે સામાન્ય માણસને પણ એમ થાય કે શું ટેન્ડરો મંગાવી મોંઘા મશીનો મંગાવીને કોઈ મળતિયાઓના ખીસ્સા ભરવાના કારસા સિવાય મનપાને ખરેખર સાફ-સફાઈની પડી છે ખરી?

સળગતા સવાલ

• ભાવનગર મનપા કેમ પ્રજાના પૈસાનો કરી રહી છે વેડફાટ? 
• રસ્તા સાફ કરવા વસાવેલા મશીનો હજુ સુધી કેમ ખાઇ રહ્યા છે ધૂળ?
• મોંઘાદાટ મશીનો ખરીદી પછી ધૂળ ખાવા કેમ મુકી રખાયા?
• 85 લાખના ખર્ચે વસાવેલા મશીનનો ઉપયોગ કેમ નથી કરાયો?
• હજુ જૂના મશીન વપરાયા નથી ત્યાં નવું મશીન શા માટે?
• 2.5 કરોડનું નવુ મશીન લાવવા માટે તજવીજ કેમ?
• મોટી કટકી કરવાની લાલચ જાગી છે?
• સાધનો વસાવતા રહો, કટકી કરતા રહો એ જ નીતિ અપનાવી છે?