ભાવનગર મનપા દ્વારા શહેરમાં 2 જગ્યાએ સાયકલ ટ્રેક બનાવવામાં આવ્યા છે. આ સાયકલ ટ્રેક બનાવી પ્રજાના પૈસાનો ધૂમાડો કરતા લોકોમાં રોષ જોવા મળી રહ્યો છે. એક કાળવીબીડ વિસ્તારમાં 1.40 કરોડના ખર્ચે સાયકલ ટ્રેક બનાવાયો છે. જોકે આ સાયકલ ટ્રેક બનાવ્યા બાદ મનપાને ડ્રેનેજ લાઇન નાખવાનું યાદ આવ્યું અને સાયકલ ટ્રેકનું નામોનિશાન મીટાવી દીધું છે.
ભાવનગર મનપા દ્વારા પ્રજાના પૈસાનો ધૂમાડો
સાયકલ ટ્રેક તોડી નંખાતા લોકોમાં રોષ
અન્ય સાયકલ ટ્રેક બન્યો પાર્કિંગ ટ્રેક
ભાવનગરમાં રાજ્યમાં ક્યાંય ના હોઈ તેમ જાને કે પ્રજાના પૈસાનો ધુમાડો કરવાનો હોય તેમ ભાવનગર મનપા દ્વારા શહેર ના 2 વિવિધ સાયકલ ટ્રેક બનાવવામાં આવ્યા છે પરંતુ આ સાયકલ ટ્રેક મા હજુ સુધી એક પણ સાયકલ ચાલી નથી ત્યાં આ ટ્રેક ડ્રેનેજ લાઈન નાખવા માટે તોડી પાડવામાં આવ્યો છે તો બીજા વિસ્તાસરમાં જ્યા ટ્રેક બન્યો છે તે પાર્કિંગ ટ્રેક બની જતા મનપા એ પ્રજાના 3 કરોડ નું આંધન કરતા લોકો મા રોષ જાગ્યો છે.
કરોડોના ખર્ચાને માટીમાં મેળવી દીધો
ભાવનગર મહાનગરપાલિકા મા દલાતલવાડી જેવી નીતિ ચાલી રહી છે ભાવનગર મનપા એ શહેરમાં પ્રથમ સાયકલ ટ્રેક બનાવ્યો અને તેનો ઉપયોગ થયો નથી ત્યાં બીજો સાયકલ ટ્રેક બનાવી વિકાસના નામે પ્રજાના કરોડો રૂપિયાનું આંધણ કરી નાખતા રોષ જોવા મળ્યો છે ભાવનગરના કાળવીબીડ વિસ્તારમાં 1 કરોડ 40 લાખના ખર્ચે સાયકલ ટ્રેક બનાવ્યો અને લોકોને વિકાસના ચશ્માં પહેરાવી દેવાયા પરંતુ વિકસ પાંગળો સાબિત થયો છે.
અન્ય સાયકલ ટ્રેક બન્યો પાર્કિંગ ટ્રેક
ભાવનગરના કાળવીબીડ મા જે ટ્રેક બનાવ્યો ત્યાં હવે ડ્રેનેજ લાઈન નાખવાનું મનપાને યાદ આવ્યું અને આ સાયકલ ટ્રેકનું નામોનિશાન મિટાવી દીધું અને પૈસાનું પાણી કરી નાખવામાં આવ્યું છે. હજુ મનપાને આ કામથી સંતોષના હોઈ તેમ નિલમબાગ સર્કલ અને જવેલર્સ સર્કલ નજીક સાયકલ ટ્રેકવધારાના 1.50 કરોડના ખર્ચે બનાવ્યો પરંતુ આ સાયકલ ટ્રેક માટે પાર્કિંગ ટ્રેક બની જતા લોકો માટે તેનો કોઈ ઉપયોગ થતો નથી ભાવનગરના લોકોનું કહેવું છે કે મનપાએ સાયકલ ટ્રેક માત્ર લાગતા વળગતા કોન્ટ્રાકટરને ફાયદો થાય તે માટે જ કામ કર્યું છે અને પ્રજાના પૈસાનો ધુમાડો કર્યો છે.