ભાવનગરના સાંસદ ભારતીબેનને ભાજપના સમન્વય પ્રભારી તરીકે નિમણૂક કરાઈ છે, 10 રાજ્યના સમન્વય પ્રભારી તરીકે નિમણૂક કરાઈ
ભારતીબેન શિયાળને વધુ એક જવાબદારી
10 રાજ્યના સમન્વય પ્રભારી તરીકે નિમણૂંક
પક્ષના લોકલ પ્રશ્નો કેન્દ્ર સુધી પહોંચાડવાની જવાબદારી
ગુજરાતમાં પાટીદાર, ક્ષત્રિય, બ્રહ્મ, ઠાકોર અને કોળી મુખ્યમંત્રીની ચર્ચા વચ્ચે ભારતીબેન શિયાળને વધુ એક જવાબદારી સોંપવામાં આવી છે. ભાવનગરના સાંસદ ભારતીબેનને ભાજપના સમન્વય પ્રભારી તરીકે નિમણૂક કરાઈ છે. 10 રાજ્યના સમન્વય પ્રભારી તરીકે નિમણૂક કરાઈ છે. જેમાં રાજસ્થાન, આંધ્રપ્રદેશ, ત્રિપુરા, મણિપુર, અરુણાચલપ્રદેશ, નાગાલેન્ડની જવાબદારી આપી છે. આ સાથે મિઝોરમ, લદાખ, મેઘાલય, સિક્કિમની પણ જવાબદારી પાર્ટી લેવલે અપાઈ છે. રાજ્યોમાં પક્ષના લોકલ પ્રશ્નો કેન્દ્ર સુધી પહોંચાડવાની જવાબદારી ભારતીબેન શિયાળની રહેશે.
ભાજપના સાંસદ ભારતીબેન શિયાળનો પરિચય
ભારતીબેન શિયાળ હાલ ભાવનગરથી સાંસદ છે. અને વર્ષ 2012માં તેઓ ગુજરાત વિધાનસભાના ધારાસભ્ય પણ રહી ચૂક્યા છે. ગુજરાત વિધાનસભા માટે તેમણે ભાવનગરના તળાજાથી ચૂંટણી લડી હતી. વર્ષ 2014 અને 2019ની લોકસભા ચૂંટણીમાં તે ચૂંટાઈને દિલ્હી પહોંચ્યા હતા. 2017માં ભારતીબેનને સેન્ટ્રલ સુપરવાઈઝરી બોર્ડના સભ્ય તરીકે પણ નિયુક્ત કરાયા હતા. ગુજરાતમાં કોળી સમાજની જનસંખ્યા મોટી છે. ત્યારે ભાવનગરમાં ભારતીબેન શિયાળ પણ કોળી સમાજના એક નેતા તરીકે આગવી છાપ ધરાવે છે. અગાઉ તેઓ ગુજરાત રાજ્ય મહિલા કોળી સેવા સમાજ ગાંધીનગરના અધ્યક્ષ પણ રહી ચૂક્યા છે. આ સહિત તેઓ આયુર્વેદિક ડૉક્ટર્સ એસોસિ.માં પણ મહિલા વિભાગના અધ્યક્ષ બની ચૂક્યા છે. આ સાથે ભાવનગર જિલ્લાના ભાજપના પ્રભારીની પણ ભૂમિકા ભજવી ચૂક્યા છે.