ભાવનગર: છરીના ઘા ઝીંકી યુવકની હત્યા પોલીસે તપાસના ચક્રો કર્યા ગતિમાન

ભાવનગર: મોડીરાત્રે એક યુવકની હત્યા થઇ હોવાનું સામે આવ્યું છે. શહેરની અલ્કા ટોકીઝ નજીક જૂની અદાવત અને ગેંગવોરમાં મુસ્લિમ યુવકની છરીના ઘા ઝીંકી હત્યા કરાઈ હતી. અજાણ્યા ચારથી પાંચ શખ્સોએ યુવકની હત્યા કરી હોવાનું પ્રાથમિક તપાસમાં જાણવા મળેલ છે. જોકે મૃતદેહને પોસ્ટમોર્ટમ માટે સિવિલ હોસ્પિટલ ખસેડવામાં આવ્યો છે. સમગ્ર બનાવને પગલે પોલીસે વધુ તપાસ હાથ ધરી છે. 

આ ઘટના અંગે મળતી માહિતી અનુસાર ગત મોડી રાતે સતત ભરચક રહેતા વિસ્તારમાં એક યુવાનની ઘાતકી હત્યાનો બનાવ બન્યો હતો. શહેરના અલ્કા ટોકીઝ નજીક એક યુવાનની હત્યાનો બનાવ બનતા ચકચાર મચી જવા પામી છે આ બનાવ જૂની અદાવત અને ગેંગવોરનો હોવાનું માનવામાં આવી રહ્યું છે.



હત્યામાં મરનાર યુવક મુસ્લિમ યુવક યાસીન પિંજરા હોવાનું બહાર આવ્યું છે આ બનાવ બનતા લોકોના ટોળે ટોળા ઘટના સ્થળે ઉમટી પડ્યા હતા. જો કે આ ઘટના અંગેની જાણકારી નજીકના પોલીસ મથકમાં કરવામાં આવતા પોલીસ કાફલો પણ ઘટના સ્થળે પહોંચ્યો હતો અને પ્રાથમિક તપાસ હાથ ધરી હતી. સ્થાનિક પોલીસ દ્વારા હાથ ધરાયેલ પ્રાથમિક તપાસમાં મરનાર યુવકને છરીના ઘા ઝીંકી પતાવી દેવાયો હોવાનું ખુલવા પામેલ.

મૃતકની લાશને પી.એમ માટે સિવિલમાં ખસેડવામાં આવી હતી. પોલીસે ગુનો નોંધીને હત્યારાઓને ઝડપી પાડવા તપાસ ચક્રો ગતિમાન કર્યા હતા. જો કે આ ઘટનામાં મરનાર યુવકને જુની અદાવત અને ગેંગવોર હોવાનું ધ્યાને આવેલ જેના કારણે ખુન કા બદલા ખુન સેની કડી મળી આવી હતી. હાલ ભાવનગર પોલીસે ગુનો નોંધી તપાસ શરૂ કરી છે.