સોશિયલ મીડિયાથી બચજો! / ભાવનગર જિલ્લામાં વધુ એક લવ જેહાદનો કિસ્સો બનતા રહી ગયો, આવી રીતે યુવતીનો થયો બચાવ

• સોશિયલ મીડિયાથી સાવધાન !
• ભાવનગરમાં લવ જેહાદનો કિસ્સો અટક્યો
• સમયસરની સૂચકતાએ યુવતીને બચાવી

ભાવનગર શહેરમાં વધુ એક લવ જેહાદનો કિસ્સો બને તે પહેલા જ ભાવનગરના ધારાસભ્ય વિભાવરી દવે અને પોલીસની વચ્ચે થયેલા સંકલનના કારણે યુવતીનો બચાવ થયો છે અને હાલ પોલીસે શહેરની એક યુવતી જે વિધર્મી ને મળવા હૈદરાબાદ જઈ રહી હતી તેને વડોદરા રેલવે સ્ટેશન ઉપરથી જ ઝડપી લઇને તેમના પરિવારને સોંપી દેતા પરિવારે હાશકારો અનુભવ્યો છે 

આવી રીતે બચાવી લેવાઈ
ભાવનગરના વિપ્ર પરિવારની એક યુવતી ઇન્સ્ટાગ્રામના માધ્યમથી અન્ય રાજ્યમાં રહેતા એક વિધર્મી યુવકના પરિચયમાં આવી હતી અને આ યુવતી ત્યાં જાય તે આ પેહલા જ પોલીસના હાથે ઝડપાઇ જવા પામી છે. અન્ય રાજ્યમાં રહેતો એક વિધર્મી યુવક ભાવનગરની યુવતી સાથે સોશિયલ મીડિયાના માધ્યમથી સમ્પર્કમાં આવ્યો હતો આ યુવકે યુવતી ને મળવા માટે  બોલાવી હતી અને આ યુવતી ભાવનગરથી રવાના  ચુકી હતી.

નંબર ટ્રેસ કરી યુવતીને વડોદરાથી વિધર્મી યુવક પાસેથી છોડાવી
ત્યારે આ પરિવારે ભાવનગર ના ધારાસભ્ય વિભાવરી બેનનો સંપર્ક કરતા ધારાસભ્યે તાકીદે પોલીસને જાણ કરી હતી. જે તે સમયે તે જ રાજ્યમાં ભાવનગર પોલીસ ત્યાં હોય અને તે યુવકનો ઇન્સ્ટાગ્રામ પરથી નંબર મેળવી અને તેને ટ્રેસ કરવામાં આવ્યો હતો અને યુવતીને પોલીસે વડોદરાથી મેળવી અને તેના પરિવારને સોંપી હતી તેવું ભાવનગર ધારાસભ્ય વિભાવરીબેન દવે એ જણાવ્યું હતું.

ઇન્સ્ટાગ્રામથી થયો હતો સંપર્ક
એ.એસ.પી સફિન હસનના જણાવ્યા અનુસાર યુવતી ઇન્સ્ટાગ્રામના માધ્યમથી યુવકના સંપર્કમાં આવ્યા બાદ તે યુવકને મળવા જઈ રહી હતી અને તે બાબતે પોલીસને જાણ થઈ હતી જે દરમિયાન યુવતી વડોદરા પોલીસમાં હાજર થઈ ગઈ હતી.

છેલ્લા થોડા સમય થી વિધર્મી યુવકો હિન્દૂ સમાજની યુવતીઓને લલચાવીને કે ફોસલાવીને લગ્ન કરી ધર્મ પરિવર્તન કરવી રહ્યાં  છે ત્યારે હવે માં બાપ એ પોતાના સંતાનોની સંભાળ રાખવી ખુબ જરૂરી બની છે અને ભાવનગર ની આ ઘટના શહેરીજનો માટે એક લાલબત્તી સમાન છે