CM રૂપાણીની હાજરીમાં ખેલમહાકુંભનું સમાપન ખેલ દર્પણ પુસ્તકનું કર્યું વિમોચન

ભાવનગર: રાજયમાં દર વર્ષે યોજાતા ખેલ મહાકુંભના કારણે આજે રાજ્યના ખેલાડીઓ રાષ્ટ્રીય અને આંતરરાષ્ટ્રીય કક્ષાએ ગુજરાતનું નામ રોશન કરી રહ્યા છે. ત્યારે આ વર્ષે ગુજરાતમાં 42 લાખ ખેલાડીઓએ ભાગ લીધો હતો. જેને સરકારે 45 કરોડથી વધુની રકમના ઈનામો આપ્યા છે. એવું મુખ્યમંત્રી વિજય રૂપાણીએ જણાવ્યું.

ભાવનગર ખાતે ખેલમહાકુંભના સમાપન સમારોહમાં હાજરી આપવા રાજ્યના મુખ્યપ્રધાન CM રૂપાણી સહિત રમત ગમત મંત્રી ઈશ્વર પટેલ શિક્ષણ મંત્રી વિભાવરી દવે તેમજ ભાજપના પ્રદેશ અધ્યક્ષ જીતુ વાઘાણી સહિતના મહાનુભાવો પહોંચ્યા હતા. અહીં રમત ગમતના ખેલાડીઓએ પોતાની રમતમાં કલા અને કૌશલ્ય લોકો સમક્ષ રજૂ કર્યું. 
 

ભાવનગર ખાતે માન. મુખ્યમંત્રીશ્રી @vijayrupanibjpની અધ્યક્ષતામાં માન.પ્રદેશ પ્રમુખશ્રી @jitu_vaghani મંત્રીશ્રી @patelishwarsinh મંત્રીશ્રી @vibhavaridave ઉપસ્થિતિમાં ખેલમહાકુંભ સમાપન સમારોહ સ્પોર્ટ્સ ઇન્ડોર હોલનુંલોકાર્પણ નેશનલ બાસ્કેટબોલ ચેમ્પિયનશિપનો શુભારંભ કરવામાં આવ્યો. pic.twitter.com/18Y81iKexI

— BJP Gujarat (@BJP4Gujarat) January 5 2019

CM રૂપાણીએ ખુલ્લી જીપમાં બેસીને ખેલાડીઓનું અભિવાદન પણ ઝીલ્યું હતું. આ સાથે જ અહીં કરાટે યોગા રસ્સી ખેંચ વગેરે સહિતની રમતો યોજાઈ હતી.

આ ખેલ મહાકુંભમાં અત્યાર સુધીમાં 24 લાખ ખેલાડીઓ રમી ચૂક્યા છે. ત્યારે આજે સીએમ રૂપાણીના હસ્તે ખેલાડીઓને અનેક પ્રકારના એવોર્ડ અને રોકડ રકમ પુરસ્કારમાં આપવામાં આવ્યા. ઉપરાંત ખેલ દર્પણ નામના પુસ્તકનું પણ વિમોચન કરવામાં આવ્યું હતું.