થોડા દિવસ પહેલા જ ચેતને પોતાના પિતા સારવાર લઈ રહ્યા છે તે વિશે માહિતી આપી હતી
IPL 2021 થી જ રાજસ્થાન રોયલ તરફથી ફાસ્ટ બોલર તરીકે ડેબ્યુ થયું
ચેતનનાં પિતાના નિધનની માહિતી રાજસ્થાન રોયલે ટ્વિટર દ્વારા આપી
ચેતનને મળેલા પૈસાથી જ થઈ રહી હતી સારવાર
IPL 2021 થી જ રાજસ્થાન રોયલ તરફથી ફાસ્ટ બોલર તરીકે ડેબ્યુ થયું
ભારતમાં રાજનેતાઓ, એક્ટર્સ, ઉદ્યોગપતીઓ સાથે ખેલજગત પણ કોરોનાની ઝપેટમાં આવી ગયું છે. આજે રવિવારનાં દિવસે આઇપીએલ પ્લેયર ચેતન સાકરીયાનાં પિતાનું અવસાન થયું છે. ચેતન સાકરીયાનું IPL 2021 થી જ રાજસ્થાન રોયલ તરફથી ફાસ્ટ બોલર તરીકે ડેબ્યુ થયું હતું. મૂળ ભાવનગરનો ચેતન સાકરીયા ડેબ્યુ થયા બાદ ઘણો જ ખુશ હતો અને તેનું પ્રદર્શન પણ વખાણવા લાયક રહ્યું.તેના પિતાના અવસાનનાં સમાચાર તેની ફ્રેન્ચાઇઝીએ આપ્યા હતા. તેના પિતા કોરોના પોઝિટિવ હતા અને હોસ્પિટલમાં તેમની સારવાર ચાલી રહી હતી.
ચેતનનાં પિતાના નિધનની માહિતી રાજસ્થાન રોયલે ટ્વિટર દ્વારા આપી
રાજસ્થાન રોયલે ટ્વિટ કરી માહિતી આપી હતી કે "ચેતન સાકરીયાનાં પિતા કાનજીભાઇ સાકરીયાનાં પિતાના અવસાનની જાણકારી મળતા અમે ઘણું દુખ અનુભવીએ છીએ. તેના પિતા કોરોના સામેની લડાઈ હારી ગયા. અમે ચેતનનાં સંપર્કમાં જ છીએ અને આ દુખની ઘડીમાં અમારાથી બનતી દરેક મદદ તેના પરિવારને કરીશું.
ચેતન નવા યુવા ક્રિકેટરોની યાદીમાં સામેલ થવા જઈ રહ્યો છે. પોતાના આકર્ષક પરફોર્મન્સનાં કારણે ઘણા લોકોનું તે ધ્યાન ખેંચી શક્યો. IPL સ્થગિત થયા પહેલા ભલે તેમની ટીમ પોઈન્ટ ટેબલમાં પાછળ રહી હોય, પણ ચેતનની બોલિંગ અને ફિલ્ડિંગ થી લોકો એ તેનાં વખાણનાં પુલ બાંધ્યા હતા. આ સિઝનમાં તેણે 7 મેચમાં 7 વિકેટ લીધી હતી. જેમાં ધોની, રૈના, કે એલ રાહુલની પણ વિકેટ લીધેલ છે.
ચેતનને મળેલા પૈસાથી જ થઈ રહી હતી સારવાર
ચેતને થોડા દિવસ પહેલા જ લખ્યું હતું કે "હું નસીબવાળો છું કે મને થોડા દિવસ પહેલા પૈસા આપવામાં આવ્યા, એ પૈસા મે ઘરે મોકલાવી દીધા જેથી મારા પપ્પાની સારવાર થઈ શકે. IPL સ્થગિત થયા બાદ તે PPE કીટ પહેરી પોતાના પિતાને મળવા હોસ્પિટલ ગયો હતો. અને ગયા અઠવાડિયે જ તેને ખબર પડી હતી કે તેના પપ્પા કોરોના સંક્રમિત છે.