વરસાદ / ભાવનગર-ધોલેરા હાઇવે પર વરસાદ બાદ પણ પાણીનું સામ્રાજ્ય યથાવત, સ્થાનિકોને હાલાકી

ભારે વરસાદને પગલે હાલાકી

સમગ્ર ગુજરાતમાં ગત અઠવાડિયે ધોધમાર વરસાદ વરસ્યો છે જેના કારણે કેટલાય ગામો સંપર્ક વિહોણા બન્યા છે. તો રસ્તાઓ પર પણ પાણી ભરાઇ જવાને કારણે અવર-જવર બંધ થઇ ગઇ હતી. ખાસ કરીને સૌરાષ્ટ્રમાં હજી પણ સ્થિતિ કાબુ બહાર છે. 

સીઝનનો 40 ટકાથી વધુ છે નોંધાયો વરસાદ

ભાવનગર જિલ્લાના ખેડૂતોએ ભીમઅગિયારસના દિવસે વાવણીનું મુર્હત કરતાની સાથે જ સમયસરનો વરસાદ થવાથી ખેડૂતો ખુશખુશાલ છે અને ખેડૂતોનું કહેવું છે કે જો આ વર્ષે આ મુજબ સમયાંતરે વરસાદ આવરિત પાને વરસશે તો વર્ષ સોળ આની થશે અને ખેડૂત ના ખેતરમાં પાક મબલખ ઉતરશે. 

ભાવનગર શહેર અને જીલ્લામાં સામાન્ય રીતે સિઝનમાં ૬૯૦ મિલીમીટર વરસાદ નોંધાતો હોય છે અને તેને કારણે જીલ્લામાં મબલખ પાક પણ ઉપલબ્ધ થાય છે આ વર્ષે ભાવનગર જીલ્લ્લામાં અત્યાર સુધી માં સીઝનનો ૪૦ ટકા વરસાદ વરસી ચુક્યો છે અને તેને કારણે ધરતીપુત્રો માં ખુશી ની લહેર જોવા મળી છે ભાવનગર જીલ્લામાં અંદાજે ૬.૫૦ લાખ હેક્ટર જમીનમાં વિવિધ પ્રકારના પાકો નું વાવેતર થાય છે ભાવનગર જીલ્લામાં સૌથી વધુ વાવેતર ૪ લાખ હેક્ટર માં કપાસ નું થાય છે.