રાજ્ય સરકાર મહાનગરોના વિકાસ માટે શહેરી વિકાસ યોજના હેઠળ કરોડો રૂપિયાની કોર્પોરેશને સહાય કરે છે. તેમાંથી મહાનગરપાલિકાનું તંત્ર ગામના વિકાસ માટે પગલાં ભરે છે. ગુજરાતમાં છેલ્લા 25 વર્ષથી ભાજપનું શાસન છે અને ભાવનગર મહાનગરપાલિકામાં પણ છેલ્લા 25 વર્ષથી ભાજપનું જ શાસન હોવાથી બંને સરકારો વચ્ચે તાલમેલ હોવાથી ભાવનગર મહાનગરપાલિકામાં અનેક વિકાસના કામો કરવામાં આવ્યા છે.
ભાવનગર ગુજરાતનું નમૂનેદાર નગર બન્યું
અનેક વિકાસના કામો થઇ રહ્યાં છે
ગંગાજળીયા તળાવે શહેરની કાયાપલ્ટી
સરકારે ફાળવેલ કરોડો રૂપિયાની ગ્રાન્ટના કારણે હવે ભાવનગર પણ અન્ય શહેરોની જેમ વિકાસના માર્ગે આગળ વધી રહ્યું છે. જેથી એવું ચોક્કસ કહી શકાય કે ભાવનગર પણ હવે ગુજરાતનું એક નમૂનેદાર નગર બન્યું છે
રાજ્ય સરકારે ફાળવેલ ગ્રાન્ટમાંથી ભાવનગરમાં થયેલ મહત્વના કામો પર નજર કરીએ તો શહેરની મધ્યમાં આવેલ ગંગાજળિયા તળાવનું ડેવલોપમેન્ટ તેમજ અકવાડા નજીક આવેલ તળાવ માટે પણ 25 કરોડ જેવી માતબર રકમ મળી છે.
આ ઉપરાંત આનંદનગર, તરસમીયાને નવા રુવા વિસ્તારમાં ત્રણ નવા PHC સેન્ટરો 30 બેડ ધરાવતા અતિ આધુનિક સુવિધા સાથે તૈયાર થઇ ચુક્યા છે. ભાવનગરને પીવાના પાણીની સમસ્યા દુર કરવા ઓવરહેડ ટેન્ક, તરસમીયા ફિલ્ટર પ્લાન્ટ, ચિત્રા ફિલ્ટર પ્લાન્ટ માટે 10 કરોડ જેટલી રકમ ફાળવી છે. આ ઉપરાંત એક્સેલ ઇન્ડસ્ટ્રીઝ પાછળના ભાગે સુએઝ ટ્રીટમેન્ટ પ્લાન્ટ માટે 58 કરોડ જેટલી માતબર રકમ પણ ફાળવવામાં આવી છે.
ભાવનગરમાં નવા ભળેલા 5 ગામોમાં ભૂગર્ભ ગટર યોજના અને પાણીના નેટવર્ક માટે 25 કરોડ ફાળવવામાં આવ્યા છે. આ ઉપરાંત ભાવનગરમાં સર્વપ્રથમ રાજકોટ રોડ ઉપર 115 કરોડના ખર્ચે ફ્લાય ઓવરબ્રિજ અને કંસારા શુદ્ધિકરણ હેઠળ 48 કરોડ ફાળવવામાં આવ્યા છે. આમ ભાવનગરના વિકાસને લઇ થયેલા કામોના કારણે લોકો ખુશ થયા છે.