ગુજરાતમાં વાવાઝોડાના ખતરાને લઇને રાજ્યના અનેક જિલ્લાઓના વાતાવરણમાં પલટો જોવા મળી રહ્યો છે. ત્યારે ભાવનગર શહેરમાં વાવાઝોડાની અસરના પગલે ભારે પવન સાથે વરસાદી માહોલ જોવા મળ્યું છે. શહેરમાં ભારે પવનના કારણે જુદા-જુદા વિસ્તારોમાં તોતિંગ વૃક્ષો ધરાશાયી થયાં છે. આમ વાવાઝોડાં અસરના પગલે રાજ્યના અનેક જિલ્લાઓમાં વાતાવરણમાં પલટો જોવા મળી રહ્યો છે.
ભાવનગરમાં ભારે પવન સાથે વરસાદ
ભારે વરસાદ થતા અનેક વિસ્તારમાં વૃક્ષો ધરાશાયી
વૃક્ષો ધરાશાયી થતા વાહનો નીચે દબાયા
ભાવનગર શહેરમાં આજે વહેલી સવારે વાવાઝોડાંની અસરના પગલે જુદા-જુદા વિસ્તારોમાં તોતિંગ વૃક્ષો ધરાશાયી થયા છે. શહેરના ગાયત્રીનગર, ઘોઘા સર્કલમાં વૃક્ષો ધરાશાયી થવાના અહેવાલ પ્રાપ્ત થયા છે. આ સાથે વૃક્ષો ધરાશાયી થતાં 2 સ્કૂટર, 1 ફોરવ્હીલ અને 1 રીક્ષા વૃક્ષો નીચે દબાઇ ગઇ છે.
વાવાઝોડાંને લઇને ભાવનગર શહેરમાં વહેલી સવારથી વાતાવરણમાં પલટો જોવા મળ્યો છે. શહેરમાં વહેલી સવારથી જ ધીમીધારે વરસાદી મહોલ જોવા મળ્યો હતો. વરસાદી માહોલ વચ્ચે શહેરના અનેક વિસ્તારોમાં વીજળી ગુલ થઇ ગયેલી જોવા મળી હતી.
ગુજરાતમાં વાવાઝોડાના ખતરાને લઇને રાજ્યના અનેક જિલ્લાઓના વાતાવરણમાં પલટો જોવા મળી રહ્યો છે. ત્યારે ભાવનગર શહેરમાં વાવાઝોડાની અસરના પગલે ભારે પવન સાથે વરસાદી માહોલ જોવા મળ્યું છે. શહેરમાં ભારે પવનના કારણે જુદા-જુદા વિસ્તારોમાં તોતિંગ વૃક્ષો ધરાશાયી થયાં છે#bhavnagar#Gujaratpic.twitter.com/CKk5CMILlY
— VTV Gujarati News and Beyond (@VtvGujarati) June 1, 2020
ગુજરાત પર સંભવિત વાવાઝોડાને પગલે ભાવનગર તંત્ર અલર્ટ થઇ ગયું છે. ભાવનગર જિલ્લાના દરિયા કિનારાના 34 ગામોને એલર્ટ કરવામાં આવ્યા છે. આ સાથે વાવાઝોડાંને લઇને માછીમારોને દરિયો ન ખેડવા સૂચના આપવામાં આવી છે. જ્યારે સંભવિત વાવાઝોડાને લઇને ઘોઘા બંદરે 1 નંબરનું સિગ્નલ લગાવવામાં આવ્યું છે.