ગુજરાતમાં એક તરફ કોરોના વાયરસની મહામારીનો પ્રકોપ જોવા મળી રહ્યો છે. રાજ્યમાં કોરોનાના પોઝિટિવ કેસોની સંખ્યમાં સતત વધારો થઇ રહ્યો છે. ત્યારે રાજ્યના ભાવનગરમાં દર્દીઓ પાસેથી હોમ આઇસોલેશનના નામે રૂપિયા પડાવ્યાં હોવાનો કિસ્સો સામે આવ્યો છે. શહેરમાં હોમ આઇસોલેશનમાં રહેલા દર્દીઓ પાસે મહાનગરપાલિકાના નામે પહોંચ બનાવીને રૂપિયા પડાવામાં આવ્યાં છે.
ભાવનગરમાં કોરોનાના દર્દીઓ પાસેથી લૂંટનો નવો કિસ્સો સામે આવ્યો છે. શહેરમાં હોમ આઇસોલેશનમાં રહેલા દર્દીઓ પાસેથી રૂપિયા પડાવ્યાં હોવાનું સામે આવ્યું છે.
ભાવનગર મહાનગરપાલિકાની બોગસ પહોંચ બનાવી રૂપિયા પડાવતા હોવાનું સામે આવ્યું છે. આમ હોમ આઇસોલેશનમાં રહેલા દર્દી પાસેથી મહાપાલિકાની બોગસ પહોંચી બનાવી કોઇ છેતરપિંડી કરી ગયું તે મહત્વનો સવાલ છે.
પ્રાપ્ત મળતી વિગત અનુસાર શહેરના સુભાષનગર વિસ્તારના દર્દીને પહોંચ આપી રૂપિયા ખંખેર્યા છે. જોકે ભાવનગર મહાનગરપાલિકા આ અજાણ્યા શખ્સ વિરૂદ્વ ફરિયાદ નોંધાવશે.