ભાવનગરના મહુવામાં બે જૂથ વચ્ચે અથડામણ થઈ. મહુવાના ગાંધીબાગ વિસ્તારમાં બે જૂથ વચ્ચે અથડામણ થઈ છે. આ અથડામણમાં બે યુવકો પર છરીથી પણ હુમલો કરવામાં આવ્યો.
જેમાં એક યુવકનું મોત થયું છે. જૂથ અથડામણ બાદ હિંસક બનેલા ટોળાએ આસપાસના વિસ્તારમાં તોડફોડ પણ કરી. ઘટનાની જાણ પોલીસને થતા ઉચ્ચ પોલીસ અધિકારીઓ સહિતનો કાફલો તૈનાત કરી દેવાયો છે. પોલીસે આ મામલે આગળની કાર્યવાહી હાથ ધરી છે.
#Bhavnagar માં બે જૂથ વચ્ચે અથડામણ મહુવાના ગાંધીબાગમાં બે જૂથ વચ્ચે અથડામણ
અથડામણમાં 2 યુવકો પર છરીથી હુમલો હુમલામાં 1 યુવકનું મોત
ટોળા દ્વારા કેટલાંક સ્થળોએ તોડફોડ ગાંધીબાગમાં ચુસ્ત પોલીસ બંદોબસ્ત pic.twitter.com/aaSW1aroQP
આ ઘટના મામલે મળતી જાણકારી અનુસાર ગત મોડી રાતે મહુવાના ગાંધીબાગ વિસ્તારમાં જૂથ અથડામણની ઘટના બની હતી. આ ઘટનામાં બાઈક પર આવેલા કેટલાક શખ્સોએ તિક્ષ્ણ હથિયાર વડે હુમલો કરી ગંભીર ઈજા પહોંચાડી ભાગી હતા. જો કે ઘાયલ થનારને નજીકના દવાખાને સારવાર અર્થે ખસેડવામાં આવ્યો હતો. જો કે ત્યાં તે યુવકનું મોત થતાં મામલો વધુ ગરમાયો હતો.
જો કે આ ઘટના અંગેની જાણાકારી નજીકના પોલીસ મથકે થતાં પોલીસ કાફલો ઘટના સ્થળે આવી પહોંચ્યો હતો અને કાયદેસરની કાર્યવાહી હાથ ધરી હતી. પોલીસ મરનાર યુવકની ઓળખ કરીને હુમલો કરનાર શખ્સને ઝડપી લેવા સૂત્રો ગતિમાન કર્યા છે.