ભાવનગરમાંથી એક વ્યક્તિનાં અપહરણના મામલે પોલીસે સીસીટીવી ફૂટેજના આધારે ત્રણ આરોપીની ધરપરડ કરી છે. ભાવનગરના ક્રેસન્ટ સર્કલ પાસેથી યોગરાજ નામના વ્યક્તિનું અપહરણ કરવામાં આવ્યું હતું. આ અપહરણના સીસીટીવી ફૂટેજ સામે આવતા પોલીસે ત્રણ આરોપીની ધરપકડ કરી છે.
CCTVના દ્રશ્યોમાં સ્પષ્ટ જોઈ શકો છો કે ક્રેસન્ટ સર્કલ પાસે એક વાન પાસે કેટલાંક અપહરકારો બિન્દાસ્ત ઊભા છે અને તેમને કોઈ પણ જાતનો કાયદાનો ડર નથી. જાહેર રોડ પર ધોળા દહાડે કરવામાં આવેલા આ અપહરણના દ્રશ્યો જોઈ સૌ કોઈ આવાક બન્યા હતા ત્યારે કાયદા વ્યવસ્થા પર અનેક સવાલો ઊભા થયા છે.
ઉલ્લેખનીય છે કે છેલ્લા કેટલાક સમયગાળાથી રાજ્યમાં ચોરી લૂંટ અને અપહરણના કિસ્સાઓ વધી રહ્યા છે ત્યારે ભાવનગર ખાતે વધુ એક અપહરણની ઘટના બનવા પામી હતી આ ઘટનામાં યોગીરાજ નામના એક વ્યક્તિનું શહેરના ધમધમતા રહેતા ક્રેસન્ટ સર્કલ પાસેથી ધોળા દા'ડે અપહરણ કરવામાં આવેલ.
જો કે આ ઘટના મામલે ભાવનગર પોલીસને જાણકારી મળતા જ પોલીસે અપહરણકર્તાઓને પકડવા તજવીજ હાથ ધરી હતી અને 3 લોકોની ધરપકડ કરી હતી જો કે હવે આગામી સમયમાં ખબર પડશે કે આ અપહરણ ક્યાં કારણોસર કરવામાં આવેલ અને કોના કહેવા પર કહેવામાં આવેલ. હાલ આ ઘટનાની તપાસ ભાવનગર પોલીસ ચલાવી રહી છે.