ભાવનગરમાં અલંગ શીપ બ્રેકિંગ યાર્ડમાં બ્લાસ્ટ થયો હતો. પ્લોટ નં-125માં જહાજના કટિંગ સમયે ઘટના બની હતી. બ્લાસ્ટમાં એક મજૂરનું મોત નિપજ્યુ હતું જ્યારે બે મજૂર ઈજાગ્રસ્ત થયા હતાં. ઈજાગ્રસ્તોને સારવાર માટે તળાજા ખસેડવામાં આવ્યા હતાં.
આ ઘટના અંગે મળતી વિગત અનુસાર રાજ્યના જાણીતા શીપ બ્રેકિંગ યાર્ડમાં આજે મોડી સાંજે બ્લાસ્ટ થવાનો બનાવ બન્યો હતો. અલંગ શીપ બ્રેકીંગ યાર્ડ ખાતે પ્લોટ નં. 125માં લાંગરેલા જહાજમાં જહાજ માર્કેટીંગનું કામ ચાલી રહ્યું હતું તે સમયે અચાનક જ એક બ્લાસ્ટ થતા વાતાવરણમાં દોડધામ મચી હતી. આ ઘટનાને પગલે સ્થાનિક કામ કરી રહેલા લોકમાં ભયનું મોજૂ ફરી વળ્યું હતું.
અચાનક બ્લાસ્ટ થવાની ઘટના બનતા જહાજમાં કામ કરતાં એક પરપ્રાંતીય મજૂરનું ઘટના સ્થળે જ મોત નિપજયું હતું. જયારે અન્ય બે મજૂરોને ઇજા સારવાર અર્થે ભાવનગરની હોસ્પિટલ ખાતે ખસેડવામાં આવ્યા હતા. અલંગની સ્થાનિક તપાસ એજન્સીઓ આ ઘટના બાદ તાત્કાલિક અસરથી ઘટના સ્થળ પર પહોંચી હતી અને પ્રાથમિક તપાસ હાથ ધરી હતી. પ્રાથમિક તપાસ હાથ ધરતા બ્લાસ્ટ થવાની આ ઘટના ક્યાં કારણોસર બની તે જાણવા મળ્યું નહોતું.