ST બસની મહિલા કંડક્ટરની ડેપો કંટ્રોલરે કરી પજવણી AUDIO વાયરલ

ભાવનગરઃ શહેરની એક મહિલા કંડક્ટરની પજવણી કરતી ઓડિયો ક્લીપ વાયરલ થઈ છે. જેમાં ભાવનગર ST વિભાગનાં ડેપો કંટ્રોલર આર.વી.માલિવાલ મહિલા કંડક્ટરની ટેલિફોનીક પજવણી કરી રહ્યાં છે. આ ઓડિયો ક્લિપમાં ડેપો કંટ્રોલર મહિલા કંડક્ટરને સાથે ફરવા લઈ જવાની વાત કરી રહ્યો છે. આ સાથે જ તેને ઊંચો હોદ્દો આપવાની લાલચ પણ આપી રહ્યો છે.



ઉલ્લેખનીય છે કે ભાવનગરમાં ST વિભાગનાં ડેપો કંટ્રોલરનો એક મહિલા કંડક્ટરની છેડતી કરે છે. જેની એક ઓડિયો ક્લિપ પણ વાઇરલ થઇ રહી છે. તે મહિલાને ઊંચો હોદ્દો આપવાની લાલચ આપી હતી. તો તે મહિલા કંડક્ટરને શું કહી રહ્યાં છે તેનાં વિશે ઓડિયો ક્લિપમાં જ આપણે સાંભળીએ..

Audio Clip:
સલામત સવારી પણ
મહિલા કંડક્ટર-હેલો.. હા સર બોલો..
ડેપો કંટ્રોલર-કેમ છે મજામાં?
મહિલા કંડક્ટર- હા..હા
કાલે આવ્યો હતો પરંતુ તમે મને મળવા ન આવ્યાં
મહિલા કંડક્ટર- મારે તો શું..
ડેપો કંટ્રોલર-હે..
મહિલા કંડક્ટર- બધાંને પછી એવું થાય ને કે આમની સાથે સંબંધો છે બધાનું વિચારવાનું નહીં બોલો મજામાં..
ડેપો કંટ્રોલર- રવિવારે આવવું છે.
મહિલા કંડક્ટર- રવિવારે?
ડેપો કંટ્રોલર- હા..
મહિલા કંડક્ટર- સર અત્યારે તો હું ઘરેથી અપડાઉન કરું છું રવિવારે તો કેમ આવી શકું?
ડેપો કંટ્રોલર- કોને ટાઈમ નથી.
મહિલા કંડક્ટર- કામ હતું કાંઈ..
ડેપો કંટ્રોલર- બસ ક્યાંક ફરવા જઈએ આપણે એમ..
મહિલા કંડક્ટર-એવું થોડું ચાલતું હોય સર..
ડેપો કંટ્રોલર-મજા આવશે..
ડેપો કંટ્રોલર- સર અત્યારે હું પાસમાં બેઠી છું એટલે કોઈ કામકાજ હોય તો બોલો..
ડેપો કંટ્રોલર- તુલસીશ્યામ જઈએ આપણે સાવજ જોઈ આવીએ..
મહિલા કંડક્ટર- એમ તમારી સાથે થોડું અવાય સર. વાતો કરો છો તે..
ડેપો કંટ્રોલર- છોડને યાર આવું બધું.. આવવું છે કે નહીં.. હાં કે ના કહી દે..
મહિલા કંડક્ટર- મારી ઇજ્જતનો સવાલ છે સર..
ડેપો કંટ્રોલર- અરે આવવું પડે..
મહિલા કંડક્ટર- એવું ના ચાલે ને એવું થોડું ચાલે..
ડેપો કંટ્રોલર- ચાલને હવે.. શું તું પણ..
મહિલા કંડક્ટર- ના ચાલે સર આવું..
ડેપો કંટ્રોલર- ચાલને હવે ફરી આવીએ.. એમાં શું વાંધો..
મહિલા કંડક્ટર- વાંધો તો હોયને સર.. આપણે થોડાં આલ્યા-માલ્યા છે..
ડેપો કંટ્રોલર- સારૂ વિચારીને કહેજે..
મહિલા કંડક્ટર- હાં વાંધો નહીં.. એમાં શું વિચારવાનું સર ના એટલે ના.. આવું થોડું ચાલે..
ડેપો કંટ્રોલર- હા પાડ બાકી ના પાડ..
મહિલા કંડક્ટર- ના એ તો ના બને હો સર

ભાવનગર એસ.ટી વિભાગનાં ડેપો કન્ટ્રોલર આર.વી માલિવાલ દ્વારા બરવાળા એસ.ટી ડેપોની મહિલા કંડક્ટરની પજવણી કરતો આ ઓડિયો છે. આ અધિકારી મહિલાને ફરવા લઇ જવાની અને ઊંચા હોદ્દા આપવાની વાત કરે છે તેની આ કલીપ છે.