ભાવનગર / ASP સફીન હસનને ખાખીનો પાવર ચડ્યો, એક પછી એક દાદાગીરી બાદ આખરે હવે મામલો...

• ભાવનગરના ASP સફીન હસનની દાદાગીરી મામલો
• વીડિયો ગેમ પાર્લરના માલિકને માર મારતા હોવાના CCTV વાયરલ
• મારામારીની ફરિયાદ IGથી લઇને ગૃહમંત્રી સુધી પહોંચી

આ સાહેબને આખુ ભાવનગર જાણે છે, પહેલા જામનગરમાં હતા, હવે ભાવનગરના પનારે પડયા છે. થોડા દિવસ પહેલા ASP સફીન હસનને તપાસ ભૂત સવાર થયું. તેને બાતમી કોણે આપી હોય તે અલ્લાહ જાણે. વીડિયો ગેમ પાર્લર નામની દુકાનમાં જુગાર રમાઈ રહ્યો છે તેવી બાતમી મળી હતી. સાહેબ તો ડંડો લઈને નીકળી પડયા અને બાતમીના આધારે બપોરના સમયે દરોડા પાડ્યા હતાં. આખી દુકાન તપાસ કરી જોઈ પરંતુ કશુ હાથ લાગ્યુ નહીં. પછી સાહેબે નિર્દોષ વેપારીને માર માર્યો, ગુનેગાર જેવી ધોલાઈ કરી નાખી હતી. ASP શાફીન હસનની એક પછી એક દાદાગીરી બાદ આખરે હવે મામલો IGથી લઇને ગૃહમંત્રી સુધી પહોંચ્યો છે.

ASP સફીન હસન વીડિયો ગેમ પાર્લરના માલિકને માર મારતા હોવાના CCTV વાયરલ

ભાવનગરના ASP સફીન હસન વીડિયો ગેમ પાર્લરના માલિકને માર મારતા હોવાના CCTV વાયરલ થયા છે. વીડિયોમાં સફીન હસન માર મારતા નજરે પડી રહ્યાં છે. તેઓ વેપારીને માર મારી રહ્યાં છે. તે નિર્દોષ છે, તેની દુકાનમાં કોઈ જુગાર રમતો ન હતો. પરંતુ સાહેબને લાગી આવ્યું છે. તેણે તપાસ કરી અને કંઈ ન નીકળ્યું એટલે વેપારીને માર માર્યો હતો. દરોડા દરમિયાન કશું વાંધાજનક મળી આવ્યું ન હતું. આમ છતા પણ સાહેબને ખાખીનો નશો સવાર થઈ ગયો અને પછી તો ધોલાઈ ચાલુ કરી દીધી. આ વેપારીને હાથ અને પગ પર મારના નિશાન પાડી દીધા છે.

ઈજાગ્રસ્ત યજ્ઞેશભાઈએ કહ્યું કે- ઢીકાપાટુ અને બેલ્ટ વડે માર મારી દુકાન બંધ કરી દીધી

ASP સફીન હસને વીડિયો ગેમ્સ પાર્લરમાં હાજર યજ્ઞેશભાઈ મકવાણાને ઢોર માર મારતા ઈજાગ્રસ્ત યજ્ઞેશભાઈને સારવાર અર્થે સર.ટી. હોસ્પિટલમાં ખસેડવામાં આવ્યાં હતાં. યજ્ઞેશ મકવાણાએ જણાવ્યુ હતું કે છેલ્લાં 15 વર્ષથી મનોરંજનની દુકાન ચલાવું છું. ASP સફીન હસન બપોરના સમયે તપાસમાં આવ્યા હતા અને ઢીકાપાટુ અને થપાટો મારી બેલ્ટ વડે માર મારી દુકાન બંધ કરી દીધી હતી.

ASPની દાદાગીરીની બીજી ઘટના સામે આવી હતી

થોડા દિવસ પહેલા ASPની દાદાગીરીની બીજી ઘટના સામે આવી હતી. કલમ 135 મુજબ એક ગુનો નોંધાયો હતો. આ ગુનામાં પી.એસ.આઈ. મકવાણા અને ASP સફીન હસન દ્વારા માર મારવામાં આવ્યો હતો. જે ત્રણ યુવકને મારમાર્યો હતો તેનું એફ.આર.આઈમાં કોઈ નામ નથી. આમ છતા પણ તેને માર મારી અને પરિવાર સામે ગોળા ભાંડી હોવાના આક્ષેપ કર્યા છે. 

આ અંગે ગૃહમંત્રી સુધી રજુઆત કરાઇ છે

જે યુવાનોને માર માર્યો છે તે યુવાનોએ આઈ.જીથી લઈને ગૃહમંત્રી સુધી રજુઆત કરી છે. ખાખીના નશામાં ફરતા સફીન હસન સામે પણ કાયદેસરની કાર્યવાહી થવી જોઈએ તેવી માગ કરી છે. પરંતુ ઘોર બેદરકારી એ છે કે ASP કક્ષાના અધિકારી સામે કોણ પગલા લે. કેમ કે પાણીમાં રહેવું અને મગર સાથે કોણ દુશ્મની કરે. આ માટે યુવાનોની એક વાત કોઈ  માનવા તૈયાર નથી.

ASP સાહેબને સિંઘમ થવું છે ? તો આ રહી મફતની સલાહ 

ASP સાહેબને સિંઘમ થવું હોય તો મફતની સલાહ છે. ભાવનગરમાં બીજા અનેક ખૂનના કેસ પેન્ડિંગ છે. તેનો ઉકેલ હજુ સુધી આવ્યો નથી. આરોપી ઝડપાયા નથી. ભાવનગરમાં હત્યા મારા મારી અને જુગારની ઘટના બંધ થતી નથી. આવી ઘટના પર કાબુ મેળવવાની જરૂર છે. વેપારી કે નિર્દોષ યુવકો માર મારીને કશુ મળવું નથી. ભાવનગરમાં અનેક વિસ્તારમાં બુટલેગરો બિન્દાસ રીતે દારૂનું વેચાણ કરે છે. કોઈને ગાઠતા નથી. આવા વિસ્તારમાં ASP સાહેબે એક આટો મારવાની જરૂર છે. બુટલેગરોને ચામખા પાડી દેવાની જરૂર છે. નિર્દોષ પ્રજાને માર મારવાથી કશું મળવાનું નથી. સાહેબ બીજી એક વાત એ પણ છે કે હાથી ગમે તેટલો મજબૂત અને માથાભારે ભલે હોય. પરંતુ તેના કાનમાં એક કીડી ખુસી જાય તો તે ગાંડો થઈ જાય છે, આ વાત પણ સત્ય છે.