બોટાદના ઢાકણીયા રોડ પર ખાનગી બસે મારી પલટી 60 પેસેન્જર થયાં ઘાયલ

બોટાદના ઢાકણીયા રોડ પર ખાનગી બસે મારી પલટી મારી હતી. બસના ડ્રાઈવરે સ્ટેયરિંગ પર કાબુ ગુમાવતો અકસ્માત થયો હતો. આ ઘટનામાં 60થી વધુ મુસાફરો ઈજાગ્રસ્ત થયાં હતા.

જો કે આ ઘટનાની જાણ થતાં નજીક રહેતા ગ્રામજનો ઘટનાસ્થળે દોડી આવ્યા હતા અને બસમાં ઈજાગ્રસ્ત લોકોને બહાર કાઢવામાં મદદ કરી હતી. ત્યારબાદ તાત્કાલિક તમામ ઇજાગ્રસ્તને સારવાર માટે બોટાદની સરકારી હોસ્પિટલે ખસેડાયા હતા.
 

#Botad નજીક ઢાકનીયા રોડ પર ખાનગી બસે મારી પલટી બોટાદના ખાખુઈથી
સુરત જતી બસના ડ્રાયવરે સ્ટીરિંગ પર કાબુ ગુમાવતા સર્જાયો અકસ્માત બસ માં મુસાફરી કરતા 60 થી વધુ લોકો માં મોટાભાગ ના મુસાફરોને થઈ સામાન્ય નાની મોટી ઈજા... pic.twitter.com/T9KErPlWzl

— VTV Gujarati News (@VtvGujarati) September 26 2018

આ ઘટના મામલે મળતી જાણકારી મુજબ બોટાદ નજીક આવેલ ઢાકણીયા હાઇવે પર આજરોજ વહેલી સવારે એક ખાનગી બસ પલટી મારી જવાની ઘટના બનવા પામી હતી. આ ઘટનાને પગલે બસમાં સવાર લોકોના જીવ તાળવે ચોંટ્યા હતા અને મુસાફરો ચીચીયારી પાડવા લાગ્યા હતા. 

મુસાફરોની ચીસો સાંભળીને રોડ આસપાસ રહેલા લોકો તાત્કાલિક અસરથી ઘટના સ્થળ પર આવી પહોંચ્યા હતા અને રાહત કાર્ય શરૂ કર્યું હતું જો કે ત્યારબાદ આ ઘટના અંગેની જાણ નજીકના પોલીસ મથકે કરવામાં આવતા પોલીસ કાફલો પણ ઘટના સ્થળે દોડી આવ્યો હતો.

આ અકસ્માત અંગેની પ્રાથમિક તપાસ હાથ ધરવામાં આવતા બસ ચાલકે કોઇ કારણોસર સ્ટેયરિંગ પરથી કાબૂ ગુમાવતા બસ પલટી મારી ગઇ હતી.

જો કે અકસ્માતમાં ઘાયલ થયેલા 60 લોકોને તાત્કાલિક અસરથી નજીકના દવાખાને સારવાર અર્થે ખસેડવામાં આવ્યા હતા. સ્થાનિક પોલીસે આ મામલે ગુનો નોંધીને આગળની તપાસ હાથ ધરી છે.