ભાવનગરમાંથી મોટી માત્રામાં કારતૂસ મળી આવ્યાનો પ્રથમ કિસ્સો સામે આવ્યો છે. તળાજામાંથી 200 જીવતા કારતૂસ મળી આવતા ચકચાર મચી જવા પામી છે. ભુંગર ગામની સીમમાંથી કારતૂસ મળી આવતા પોલીસે
તપાસના ચક્રો ગતિમાન કર્યા છે. આ ઘટના અંગે મળતી જાણકારી પ્રમાણે ભાવનગર જીલ્લાના તળાજા ગામના ભૂંગળ ગામની સીમમાંથી આશરે 200 જેટલા જીવતા કારતુસ મળી આવતા પોલીસ બેડામાં પણ ખળભળાટ મચી જવા પામ્યો હતો.
ઉલ્લેખનીય છે કે આ ઘટનાની જાણ થતાં જ સ્થાનિક પોલીસ તાત્કાલિક અસરથી ઘટના સ્થળે પહોંચી હતી અને કારતુલ અને અલગ-અગલ વેપન થઇને 200 જેટલી ઘાતક સામગ્રી પોલીસને હાથે લાગી હતી. જો કે પોલીસ તંત્ર દ્વારા આ જીવતા કારતુસોનો કબજો લઇને આગળની તપાસ હાથ ધરી હતી.
આપને જણાવી દઇએ કે રાજ્યભરમાં અને ખાસ કરીને ભાવનગરમાં આ પહેલા ક્યારેય આટલી મોટી સંખ્યામાં જીવતા કારતૂસ કે જેના પર પ્રતિબંધ છે તેવી સામગ્રી મળી આવી નથી ત્યારે ભાવનગર જીલ્લાના તળાજા ગામના ખોબા જેવા ગામ ભૂંગરની સીમમાં રહેલ તળાવમાંથી આશરે 200 જેટલા જીવતા કારતૂસ મળી આવતા ખળભળાટ મચી ગયો હતો અને આ ઘટનાની ચર્ચા સમગ્ર ગામ સહિત રાજ્યભરમાં થવા લાગી હતી.
જો કે એક ઉચ્ચ પોલીસ અધિકારીના જણાવ્યાનુસાર આગામી તપાસમાં જાણવા મળશે કે આ કારતૂસ ક્યાંથી આવ્યા અને કોના કહેવાથી લાવવામાં આવ્ય હતા. હાલ આ કારતૂસને પોલીસે પોતાના હસ્તક લઇ લીધેલ છે.
તમને જણાવી દઇએ કે સમગ્ર ગુજરાતમાં આટલી મોટી માત્રામાં જીવતા કારતૂસો મળી આવવાની આ સૌથી મોટી ઘટના છે. અત્યારે હાલમાં આ મામલામાં સમગ્ર ભાવનગરની પોલીસ કામે લાગી છે. સાથે જ ભાવનગર જિલ્લાની પોલીસની સાથે અન્ય જિલ્લાની પોલીસ પણ આ તપાસમાં જોડાય તેવી શક્યતાઓ છે.