ટોકિયો પેરાલીમ્પિકમાં ભારતનું ગૌરવ વધારનારા ભાવિના પટેલનું અમદાવાદ એરપોર્ટ પર ભવ્ય સ્વાગત
દેશના ગૌરવનું ભવ્ય સ્વાગત
એરપોર્ટ પર સમર્થકોનો જમાવડો
ભાવિના પટેલે જીત્યો સિલ્વર મેડલ
ટોકિયો પેરાલિમ્પિકમાં દેશને પહેલો સિલ્વર મેડલ અપાવનાર ઉતર ગુજરાત સાથે દેશનું ગૌરવ બનેલા ભાવિના પટેલ શુક્રવારે મોડી સાંજે અમદાવાદ આવી પહોચતા તેમનું ભવ્યાતિભવ્ય સ્વાગત કરાયું હતું
ભાવિના પટેલ -પ્રેરણાં અને પુરુષાર્થ
ભાવિના પટેલે ટેબલ ટેનિસમાં સિલ્વર મેડલ જીતી દેશની બીજી મહિલા બન્યા હતા. ફાઈનલ મેચમાં તેઓ ચીનની ખેલાડી સામે હાર પામતા તેઓને સિલ્વર મેડલ પ્રાપ્ત થયો હતો. અમદાવાદ એરપોર્ટ પર ભાવિના પરેલના સગા-સબંધીઓ તથા પ્રસંશકો ઉમટી પડ્યા હતા.અને ગુજરાતની ધરતી પર પગ મુકતા જ તેઓ ઢોલ-નગારાના તાલે ઝૂમી ઉઠ્યા હતા.ભાવીનાને સિલ્વર મેડલ પ્રાપ્ત થતા વડાપ્રધાન નરેન્દ્ર મોદીએ પણ તેમના અદભૂત સાહસ-ધેર્ય અને સ્વપ્નને સાકાર કરવાના પુરુષાર્થને ટીવિટનાં માધ્યમથી બિરદાવ્યા હતા..
હોંસલો કી ઉડાન
મહેસાણા જિલ્લાના નાના એવા ગામના ભાવિનાના પિતા આજે પણ ગામમાં કરિયાણાની દૂકાન ચલાવે છે.1986માં જન્મેલા ભાવિના એવી મહિલાઓ માટે જ્યોતિર્ધર છે જે મહિલાઓ કે પુરુષો શારીરિક અક્ષમતાથી જીવન જીવવાની હામ ગુમાવી બેઠા છે.અથવા નાસીપાસ થાય છે.'દેશની મહિલાઓ માટે ભાવિના એ કરેલો અથાગ પુરુષાર્થ 'હોંસલો કી ઉડાન' છે.
12 મહિનાની ઉંમરે થયો હતો પોલીયો
માત્ર 12 મહિનાની ઉંમરમાં ભાવિનાને પોલીયો થયો હતો અને તેમનો જન્મ ગુજરાતના વડનગરમાં મધ્યમ પરિવારમાં થયો હતો. ભાવિના ચોથા ધોરણમાં હતા ત્યારે તેમણે સર્જરી માટે આંધ્રપ્રદેશ લઇ ગયા હતા પરંતું SAI અનુસાર ભાવિનાના પોલીયો રોગની ગંભીરતાને ઇગ્નોર કરી દેવામાં આવી અને તેમની બીમારી વકરી.
12 સુધી ભણ્યા
12મા ધોરણ સુધી ભણ્યા બાદ ભાવિનાના પિતાએ બ્લાઇન્ડ પીપલ્સ અસોસિએશનમાં એડમિશન કરાવી આપ્યું. ત્યાં તેમણે અલગ અલગ કોર્સ કર્યો અને પછી લલન દોષી પાસે ટ્રેનિંગ લેવાની શરૂઆત કરી હતી. આજે ભાવિનાબેન ક્યાં છે આપણે સૌ જાણીએ છીએ.