'ભાષા'જ્ઞાન / ભારત સરકારે બનાવી એવી એપ કે ઘરબેઠા શીખી શકશો 22 ભાષા, જાણો શું છે બીજી વિશેષતા

• એપ્લિકેશન એક, શીખો ભાષાઓ અનેક
• સરકારે લોન્ચ કરી ભાષા સંગમ એપ
• એપથી ભારતની અનેક ભાષાઓ શીખી શકાશે

'ભાષા સંગમ' એપથી ભારતના વિવિધ રાજ્યોની ભાષાઓ સરળતાથી શીખી શકાશે. એપમાં વ્યક્તિગત યૂઝરને ધ્યાનમાં રાખીને સવાલ-જવાબ તૈયાર કરાયા છે. જેનાથી ભાષા શીખવામાં સરળતા થશે. ડેઈલી પ્રેક્ટિસ સિસ્ટમ બનાવવામાં આવી જેનાથી કેટલુ શીખ્યા તે જાણી શકાશે. 

દેશની અલગ-અલગ સંસ્કૃતિને જાણવા અને સમજવા 44 યૂનિક કેરેક્ટરો બનાવાયા છે. દરેક સવાલના જવાબ આપ્યા પછી તરત જ ફિડબેક મળે તેવી વ્યવસ્થા ઉભી કરવામાં આવી છે. રેટિંગના આધારે સરકાર તરફથી પ્રમાણપત્ર પણ એનાયત કરવામાં આવશે.

Fostering the spirit of #EkBharatShreshthaBharat with Bhasha Sangam Mobile App. #TransformingIndia pic.twitter.com/F3isbtdraJ

— MyGovIndia (@mygovindia) December 11, 2021

કઇ કઇ ભાષા શીખવા મળશે?

આ એપ સમગ્ર રીતે ઓનલાઇન ભાષા લર્નિંગ એપ છે. આ એપ મોબાઇલ યૂઝરને અલગ-અલગ ભાષા શીખવા માટે સુવિધા આપે છે. એપમાં હાલમાં જે પણ ભાષાને શીખવા ઇચ્છે, તે તેને શીખી શકે છે. એપમાં ભારતની 22 સત્તાવાર ભાષાઓ આપવામાં આવી છે જેની લર્નિંગ ફ્રી છે. આ ભાષાઓમાં સામેલ છે, આસામી, બંગાળી, ગુજરાતી, હિન્દી, કન્નડ, કાશ્મીરી, કોંકણી, મલયાલમ, મણિપુર, મરાઠી, નેપાળી, ઉડિયા, પંજાબી, સંસ્કૃત, સિંધી, તમિલ, તેલુગુ, ઉર્દૂ, બોડો, સંથાલી, મેથિલી અને ડોગરી.

'ભાષા સંગમ' મોબાઇલ એપની શું છે વિશેષતા?

આ એપને ભારત સરકારના શિક્ષણ મંત્રાલયે શરૂ કરી છે. આ ભાષાઓ મોબાઇલ એપ દ્વારા લોકબોલી અને ભાષામાં સામેલ થનારા શામેલ થનારા શબ્દો અને વાક્યો શીખી શકાશે. ભાષા સિવાય અલગ-અલગ રાજ્યોની સંસ્કૃતિ અંગે પણ માહિતી મળી શકશે. 'ભાષા સંગમ' મોબાઇલ એપની કેટલીક ખાસ વિશેષતાઓ છે જેને નીચે આપવામાં આવી રહી છે.

1. ગેમની જેમ આ લેશન એપ બનાવવામાં આવી છે જેનાથી સરળતાથી શીખી શકાશે
2. યૂઝરને જોતા પર્સનલાઇઝ્ડ આધાર પર સવાલ-જવાબ તૈયાર કરવામાં આવ્યા છે, જેનાથી ભાષા શીખવામાં મદદ મળશે.
3. યૂઝરને એક્યૂરેસી લેવલને ચેક કરવા અને દરરોજની પ્રગતિને તપાસ માટે ડેલી પ્રેક્ટિસ સિસ્ટમ બનાવવામાં આવી છે.
4. યૂઝર ભાષાથી જોડાયેલા ફ્રેઝને સરળતાથી સમજી શકે, તેના માટે ચિત્રોના સહારે ભાષાઓ જ્ઞાન આપવામાં આવશે.
5. દેશની અલગ-અલગ સંસ્કૃતિને જાણવા અને સમજવા માટે 44 યૂનીક કેરેક્ટર બનાવવામાં આવ્યા છે.
6. 500 કલ્ચરલ ટિપ્સ આપવામાં આવી છે જે અલગ-અલગ ભાષાઓમાં છે, તેમાં આપણને આપણી સંસ્કૃતિથી જોડાયેલા ફાયદા મળે છે.
7. દરેક સવાલનો જવાબ આપ્યા બાદ તાત્કાલિક ફીડબેક મળવાની વ્યવસ્થા બનાવવામાં આવી છે.
8. પ્રોગ્રેસ અંગે જાણવા માટે તમામ લેશન પૂર્ણ થયા બાદ સ્ટાર સ્કોરની વ્યવસ્થા છે
9. તમે કેટલું શીખો છો અને પ્રોગ્રેસના આધાર પર મળેલા સ્ટાર રેટિંગના આધાર પર સરકાર તરફથી સર્ટિફિકેટ આપવામાં આવે છે.