VIDEO: ટ્રાફિક કૉન્સ્ટેબલ પૈસા પડાવતો હતો અને કોઈએ બનાવી લીધો વીડિયો

ભરૂચનાં ટ્રાફિક કોન્સ્ટેબલનો રૂપિયા પડાવતો વીડિયો વાયરલ સોશિયલ મીડિયામાં વાયરલ થયો છે. પાલેજ પોલીસ સ્ટેશનનાં કોન્સ્ટેબલે ટેમ્પો ચાલકને પરેશાન ન કરવા માટે લાંચ માગી હતી. આ દરમ્યાન અજાણ્યાં શખ્સે વીડિયો ઉતારીને વાયરલ કર્યો. આ વીડિયોમાં પાલેજ પોલીસ સ્ટેશનનાં કોન્સ્ટેબલ રમેશ હોવાનો દાવો કરવામાં આવ્યો છે.

મળતી માહિતી મુજબ ટેમ્પો ચાલકને પરેશાન ન કરવા માટે કોન્સ્ટેબલે લાંચની માગ કરી હતી. આ દરમ્યાન પોલીસકર્મી અને ટેમ્પો ચાલક વચ્ચે રકઝક થઈ હતી. ત્યાર બાદ શખ્સે કોન્સ્ટેબલને લાંચ આપી હતી.

જો કે આ લાંચ કોન્સ્ટેબલનાં વચેટિયાએ લીધી હતી. આ સમગ્ર ઘટનાનો વીડિયો વાયરલ થયો છે. આ વીડિયો વાયરલ થયાં બાદ પોલીસ વિભાગ દ્વારા કોન્સ્ટેબલ પર શું કાર્યવાહી કરાશે તે આગામી દિવસોમાં જોવાનું રહેશે.