ભરૂચ SOGને અંકલેશ્વરના બાકરોલ બ્રિજ નીચે પાર્ટી ડ્રગ્સના સપ્લાયર અને કેરિયર ભેગા થવાના હોવાની બાતમી મળી હતી
અંકલેશ્વરના બાકરોલ બ્રિજ નીચેથી ડ્રગ્સ ઝડપાયું
SOGએ 3 આરોપીઓને ઝડપ્યા
કુલ 5 લાખનો મુદ્દામાલ કબ્જે
ભરૂચ સ્પેશ્યલ ઓપરેશન ગ્રુપે અંકલેશ્વરના બાકરોલ બ્રિજ નીચેથી ₹2.73 લાખના મ્યાઉ મ્યાઉ એમ.ડી.ડ્રગ્સ સાથે નશાના 3 સોદાગરોની કુલ રૂપિયા 5 લાખના મુદ્દામાલ સાથે ધરપકડ કરી છે.
કુલ ₹5 લાખના મુદ્દામાલ સાથે 3ની ધરપકડ
ભરૂચ SOGને અંકલેશ્વરના બાકરોલ બ્રિજ નીચે પાર્ટી ડ્રગ્સના સપ્લાયર અને કેરિયર ભેગા થવાના હોવાની બાતમી મળી હતી.જેના આધારે વોચ ગોઠવતા ઇકો કારમાં ડિલિવરી આપવા આવેલા બે આરોપી અને ડિલિવરી લેનાર કેરિયરને પકડી પાડ્યો હતો.આ સાથે પોલીસે આરોપીઓ પાસેથી મ્યાઉ મ્યાઉ ડ્રગ્સનો 27 ગ્રામ 380 મિલિગ્રામ જથ્થો,ઇકો કાર, 4 મોબાઈલ અને રોકડ મળી કુલ ₹5 લાખનો મુદ્દામાલ કબ્જે લીધો હતો.ઉલ્લેખનીય છે કે આરોપીઓ આ ડ્રગ્સ સુરત કડોદરા ચોકડી ખાતેથી વેચાણ અર્થે લાવ્યા હોવાનું સામે આવ્યુ છે.આરોપીઓ સામે પોલીસે એન.ડી.પી.એસ. એક્ટ હેઠળ ગુનો નોંધી વધુ તપાસ હાથ ધરી છે.
મસાલાની પડકીમાંથી ઝડપાયું ડ્રગ્સ
ઇકો કાર નંબર જીજે 5 આર.ઇ. 6509 માં દઢાલના મદનીનગરના રિઝવાન અબ્દુલ સૈયદ અને નવાગામ કરારવેલનો શરીફ ઉર્ફે સદામ ચૌહાણ એમ.ડી. ડ્રગ્સ મેફોડ્રિન પાન મસાલાની પડકીમાં લઈ આવ્યા હતા.મ્યાઉ મ્યાઉ ડ્રગ્સનો 27 ગ્રામ 380 મિલિગ્રામ જથ્થો ઝઘડિયાના દઢેડા ગામનો સાદાબોદીન ઉર્ફે સાદાબ શેખ લેવા આવ્યો હતો. ઝડપાયેલા M.D. ડ્રગ્સના સેમ્પલ લઈ તેને તપાસ માટે FSL માં મોકલી આપવામાં આવ્યા છે.