ભરૂચ: વિશ્વમાં અકસ્માતમાં મોતને ભેટેલા લોકને નવેમ્બરના ત્રીજા રવિવારે શ્રદ્ધાંજલિ અર્પણ કરવામાં આવે છે. ત્યારે વડોદરા ટ્રાફિક પોલીસ અને 108 ટીમ દ્વારા રોડ સેફ્ટી અંગે લોકોમાં જાગ્રૃતિ આવે એવા પ્રયાસ હાથ ધરવામાં આવી રહ્યા છે. ત્યારે ભરૂચમાં રીક્ષા ચાલકનો સ્ટંટ કરતો વીડિયો વાયરલ થયો છે. સોશિયલ મીડિયામાં આ વીડિયો ચર્ચાનું કેન્દ્ર બન્યુ છે. એક બાજુ લોકોની સલામતીનો સંદેશ અપાઇ રહ્યો છે તો બીજી બાજુ મુસાફરો માટે જોખમી બની શકે તેવા સ્ટંટ કરો વીડિયો વાયરલ થયો છે.
વીડિયોમાં દેખાઈ રહ્યુ છે કે રીક્ષા ચાલક આગળ સીટ પર નહી પરંતુ નીચે બેસીને રીક્ષા ચલાવે છે. સાથે જ આ રીક્ષામાં મુસાફરો પણ જોવા મળી રહ્યા છે. ડ્રાઈવરના આ સ્ટંટથી કોઈ દુર્ઘટના પણ થઈ શકે છે.
મહત્વનુ છે કે રીક્ષાનો લોકો એક સ્થળથી બીજા સ્થળ જવા માટે ઉપયોગ કરતા હોય છે. ત્યારે લોકોની સલમતીની જવાબદારી કોની તે પણ એક સવાલ છે.