ભરૂચ: ગોલ્ડન બ્રિજ પરથી યુવકે લગાવી મોતની છલાંગ પરિવારજનોમાં શોક

ભરૂચમાં ગોલ્ડન બ્રીજ પરથી એક યુવકે નર્મદા નદીમાં ઝંપલાવ્યું. મોટર સાયકલ પર આવેલા યુવકે પેહેલા બ્રીજ પર પોતાનું મોટર સાયકલ પાર્ક કર્યુ અને બાદમાં નર્મદા નદીમાં ઝંપલાવી પોતાનું જીવન ટૂંકાવ્યું.

ઘટનાની જાણ પરિવારને થતા તેઓ પોલીસ અને બચાવદળ સાથે ઘટના સ્થળે પહોંચ્યા અને યુવકને શોધવા કામગીરી હાથ ધરાઈ. યુવકે કયા કારણોસર નદીમાં ઝંપલાવ્યુ તે હજુ જાણવા મળ્યુ નથી પણ પોલીસ તપાસમાં સમગ્ર ઘટના પ્રકાશમાં આવશે.



આ ઘટના મામલે મળતી જાણકારી મુજબ ગત રાતે એક યુવકે ભરૂચના ગોલ્ડન બ્રિજ પરથી નર્મદા નદીમાં ઝંપલાવ્યું હતું. જો કે આ મામલાની જાણ નજીકના પોલીસ મથકે અને યુવકના પરિવારજનોને થતાં તે તેઓ તાત્કાલિક અસરથી ઘટના સ્થળ પર આવી પહોંચ્યા હતા. આ સાથે જ તરવૈયાઓએ યુવકને શોધવા માટે કમરકસી હતી. 

જો કે આ યુવકે ક્યાં કારણોસર નર્મદા નદીમાં છલાંગ લગાવી તે હજી સુધી સ્પષ્ટ થઇ શક્યું નહોંતુ. લાંબા સમય સુધી યુવકનો મળી નહીં આવતા પરિવારજનો પર આભ તૂટી પડ્યું હતું. જો કે પોલીસે આ મામલે તપાસ હાથ ધરી છે અને યુવકે ભરેલ આ પગલા પાછળ શું જવાબદાર છે તે આગામી સમયમાં સ્પષ્ટ થશે.