કાયદો અને વ્યવસ્થાનો કોઈને ડર કેમ નથી? આવા પ્રશ્નો સામાન્ય રીતે ઉઠે. કારણ કે, તાજેતરમાં જ ભરૂચનો એક વીડિયો સામે આવ્યો છે જેમાં પોલીસ પર હૂમલો કરનારનું છુટ્યા બાદ ધામધૂમથી સ્વાગત કરવામાં આવ્યુ છે.
શેરપુરા ગામે જામીન પર છૂટેલા આરોપીનું કરાયું સ્વાગત
ગામમાં ફટાકડા ફોડીને, ફૂલહાર પહેરાવીને કરાયું સ્વાગત
સમગ્ર ઘટનાક્રમનો વીડિયો સોશિયલ મીડિયામાં વાયરલ
ગુજરાતમાં કાયદો અને વ્યવસ્થાની સ્થિતિ સાવ ખાડે ગઈ છે. આ અમે નથી કહી રહ્યા પરંતુ તાજેતરમાંજ ભરૂચમાં એક વીડિયો વાયરલ થયો છે જેમાં એક આરોપીનું જામીન પર છુટતા ધામધૂમથી સ્વાગત કરવામાં આવી રહ્યુ છે.
ખાખીનું અપમાન કે પછી તેમને સ્વમાન જ નથી?
આ આરોપીનું નામ મોહસીન ડિપોટી છે. તેને જેલમાં પોલીસ પર હૂમલાના કેસમાં કેદ કરાયો હતો. પાસા અંતર્ગત તેની ધરપકડ કરવામાં આવી હતી. શેરપુરા ગામનો આ આરોપી હાલ જામીન પર છુટ્યો છે ત્યારે ગામમાં તેનું કાયદેસર કોઈ મોટુ કામ કરીને આવ્યો હોય તેમ સ્વાગત કરવામાં આવ્યું હતુ.
— VTV Gujarati News and Beyond (@VtvGujarati) June 14, 2020
પોલીસને માર આરોપી પર ફૂલવર્ષા
પોલીસને માર મારનાર આરોપી ઉપર શેરપુરામાં ફૂલ વરસાવવામાં આવ્યા હતા. ફટાકડા ફોડીને આરોપીનો વરઘોડો કાઢવામાં આવ્યો હતો. એટલું જ નહીં આ સમગ્ર ઘટનાનો વીડિયો સોશિયલ મીડિયામાં વાયરલ કરવામાં આવ્યો હતો.