VIDEO: અંકલેશ્વર હાઇવે પર હાઇડ્રોજન સિલિન્ડર ભરેલા ટ્રકને નડ્યો અકસ્માત

ભરૂચના અંકલેશ્વર હાઇવે પર પર અકસ્માતની ઘટના સામે આવી છે. હાઇડ્રોજન સિલિન્ડર ભરેલા ટ્રકને અકસ્માત નડ્યો હતો. ટ્રક પાછળ ડમ્પર અથડાતા ટ્રકમાં આગ લાગી હતી. આ ઘટનાની જાણ થતા ફાયર વિભાગના અધિકારીઓ ઘટનાસ્થળે દોડી આવ્યા હતા. ભારે જહેમત બાદ ફાયર વિભાગે આગ પર કાબુ મેળવ્યો હતો.
 

#Bharuch અંકલેશ્વર નજીક હાઇવે પર પર અકસ્માત હાઇડ્રોજન સિલિન્ડર ભરેલ ટ્રકને નડ્યો અકસ્માત ટ્રક પાછળ ડમ્પર અથડાતા ટ્રકમાં આગ
ફાયર વિભાગે આગ પર કાબુ મેળવ્યો#Fire #firefighters pic.twitter.com/629A8Lfuv7

— VTV Gujarati News (@VtvGujarati) December 2 2018

આ ઘટના મામલે મળતી જાણકારી મુજબ વાહનોથી સતત ભરચક રહેતા ભરૂચના અંકલેશ્વર હાઇવે પર આજરોજ વહેલી અકસ્માતની ઘટના બની હતી. હાઇડ્રોજન સિલિન્ડર ભરેલા ટ્રક સાથે પાછળના ભાગેથી આવતા એક ડમ્પરે ટક્કર મારતા આ અકસ્માત સર્જાયો હતો. 

જો કે બંન્ને વાહનો ધડાકાભેર અથડાતા ટ્રકમાં આગ લાગી હતી. આગ લાગવાને પગલે હાઇવે પરનો ટ્રાફિક જામ થઈ ગયો હતો. જો કે આ ઘટનાની જાણ નજીકના ફાયર વિભાગને કરવામાં આવતા ફાયર બ્રિગેડના જવાનો તાત્કાલિક અસરથી ઘટના સ્થળે ધસી આવ્યા હતા અને ટ્રક પર પાણીનો મારો ચલાવતા અંતે આગ પર કાબૂ મેળવી શકાયો. અકસ્માતની આ ઘટનામાં સદનસીબે કોઇ જાનહાની થવા પામી નહોંતી.