વિરોધ / એકબાજુ ભારતમાલા અને બુલેટટ્રેન પ્રોજેક્ટ અને હવે હાઈટેન્શન લાઇનથી અમારી હાલત બની કફોડી...: નવસારીના ખેડૂતોની આપવીતી

• પાવર ગ્રીડ હાઈ ટેન્શન લાઇનનો ખેડૂતો કરી રહ્યા છે વિરોધ
• હાઈ ટેન્શન લાઈન ખાંજણ જમીનમાંથી લઈ જવાની માંગ 
• 52 ગામોના અસરગ્રસ્ત ખેડૂતો વિરોધ કરી રહ્યા છે

નવસારીના કાંઠા વિસ્તારના 52 ગામડાઓમાંથી પસાર થતી પાવર ગ્રીડ હાઈ ટેન્શન લાઇનનો ખેડૂતો વિરોધ કરી રહ્યા છે, જેમાં આજે જલાલપોર તાલુકાના અસરગ્રસ્ત 36 માંથી 18 ગામોના ખેડૂતોએ મરોલી કાંઠા વિભાગ સંઘર્ષ સમિતિ હેઠળ સંગઠિત થઈ એક સૂરમાં હાઈ ટેન્શન લાઈન ખાંજણ જમીનમાંથી લઈ જવાની માંગ ઉઠાવી છે. જો સરકાર દ્વારા યોગ્ય નિર્ણય ન લેવામાં આવે તો આંદોલનને ઉગ્ર બનાવવાની તૈયારી પણ દર્શાવી છે. 

52 ગામોના અસરગ્રસ્ત ખેડૂતો વિરોધ કરી રહ્યા છે
નવસારી જિલ્લાના જલાલપોર અને ગણદેવી તાલુકાના કાંઠા વિસ્તારમાંથી પાવરગ્રીડ કોર્પોરેશન ઇન્ડિયા પ્રા. લિ. કંપની દ્વારા 765 કેવી ડી/સી ન્યુ નવસારીથી પડઘે સુધીની ટ્રાન્સમિશન લાઈન અને 400 કેવી એમ/સી ન્યુ નવસારીથી મગરવાડા ટ્રાન્સમિશન લાઈન નાંખવા જમીન સંપાદન શરૂ થયું છે.  જેમાં બંને તાલુકાઓના 52 ગામોના અસરગ્રસ્ત ખેડૂતો વિરોધ કરી રહ્યા છે. ગત દિવસોમાં ખેડૂતોએ નવસારીના સાંસદ અને ભાજપ પ્રદેશ પ્રમુખ સી. આર. પાટીલને રજૂઆત કર્યા બાદ આગળની રણનીતિ નક્કી કરવામાં આવશે. 

અસરગ્રસ્ત ખેડૂતોએ સભા યોજી આગળની રણનીતિ નક્કી કરી
ત્યારે આજે નવસારીના જલાલપુર ખાતે આવેલ કોળી સમાજની વાડીમાં જલાલપોર તાલુકાના અસરગ્રસ્ત ખેડૂતોએ સભા યોજી આગળની રણનીતિ નક્કી કરવા માટેની તૈયારીઓ દર્શાવી છે અસરગ્રસ્ત ખેડૂતોની માંગ છે કે બાગાયતી વિસ્તારમાંથી આ હાઈટેન્શન લાઇન પસાર ન થવી જોઈએ અને આ લાઈનને ખંજણવાડી જગ્યા માંથી જો પસાર કરવામાં આવે તો સરકારને અને ખેડૂતોને બંનેને ફાયદો થઇ શકે એમ છે. તો બીજી તરફ નવસારીના કાંઠા વિસ્તારમાં હાઈટેન્શન લાઈનની કામગીરી પણ શરૂ કરી દેવામાં આવી છે.
 નોટિસ કે જાણ કર્યા વગર માપણી શરૂ કરી દીધી
એક તરફ ભારત માલા પ્રોજેક્ટ, બુલેટ ટ્રેન પ્રોજેક્ટ અને હવે આ હાઈટેન્શન લાઇન પ્રોજેક્ટને લઈને ખેડૂતોની હાલત કફોડી બની છે એક તરફ સરકાર જમીન સંપાદન માટેની કોઈ પણ પ્રકારની નોટિસ કે જાણ કર્યા વગર માપણી શરૂ કરી દીધી છે જેને લઇને ખેડૂતોમાં રોજ જોવા મળી રહ્યો છે સાથે જ જો હાઈટેન્શન લાઈન ખેતરમાંથી પસાર થઈ જવામાં આવે તો ખેડૂતો હાઇકોર્ટ સુધી લડત આપવાની તૈયારી પણ બતાવી છે.