એક તરફ ગુજરાત કોંગ્રેસના તમામ ધારાસભ્યો આજે દિલ્લીમાં છે. ત્યારે કોંગ્રેસના બેચરાજીના ધારાસભ્ય ભરત ઠાકોરે જુગલ ઠાકોર સાથે તેમના ફાર્મ હાઉસમાં મુલાકાત કરી છે. જ્યારે અલ્પેશ ઠાકોર બાદ ભરત ઠાકોર પણ હવે ભાજરમાં જોડાઇ શકે છે.
જુગલ ઠાકોર સાથેની આ મુલાકાતથી ભરત ઠાકોરની ભાજપમાં જોડાવાની અટકળો તેજ થઈ ગઈ છે. આ પૂર્વે અલ્પેશ ઠાકોર અને ધવલસિંહ ઝાલા કોંગ્રેસ સાથે છેડો ફાડીને ભાજપમાં જોડાઈ ચૂક્યા છે. ત્યારે હવે ભરત ઠાકોરની જુગલ ઠાકોર સાથેની મુલાકાત બાદ અટકળો તેજ થઈ ગઈ છે.
કેન્દ્રીય મંત્રી ધર્મેન્દ્ર પ્રધાનની મુલાકાત સમયે ફાર્મહાઉસ પર ભરત ઠાકોર નજરે પડ્યા હતા. જેના પરથી કહી શકાય કે ભરત ઠાકોર આગામી સમયમાં ભાજપમાં જોડાય તો કોઈ નવાઈ નહીં. કોંગ્રેસના કાર્યક્રમમાં હાજર ન રહીને ભરત ઠાકોરે ભાજપ સાથેની મુલાકાતને મહત્વ આપ્યું છે. જે અનેક સવાલો ઉભા કરી રહી છે.