VIDEO / 'લગ્ન માટે કેવી છોકરી જોઈએ'? પહેલી વાર રાહુલ ગાંધીએ શરમમાં રહ્યાં વગર આપ્યો દિલચસ્પ જવાબ

ભારતમાં યાત્રામાં રાહુલને યુટ્યુબરે પૂછ્યો લગ્નનો સવાલ
રાહુલે પહેલી વાર આપ્યો ખુલીને જવાબ 
કહ્યું, માતા અને દાદી જેવા ગુણોવાળી છોકરી જોઈએ લગ્ન માટે 

યુટ્યૂબ ચેનલ મ્યાશેબલ ઈન્ડીયાના બોમ્બે જર્ની એપિસોડના ઈન્ટરવ્યૂ દરમિયાન રાહુલ ગાંધીએ પહેલી વાર તેમના લગ્નને લઈને એક દિલચસ્પ જવાબ આપ્યો છે. 

માતા અને દાદી જેવા ગુણોવાળી છોકરી જોઈએ 
રાહુલને જ્યારે પૂછવામાં આવ્યું કે તેમને લગ્ન માટે કેવી છોકરી જોઈએ છે ત્યારે તેમણે પહેલી વાર ખુલીને અને શરમમાં રહ્યાં વગર જવાબ આપ્યો હતો. કેવી છોકરી સાથે લગ્ન કરવા માગે છો, તેવા જવાબમાં રાહુલે કહ્યું કે આ એક દિલચસ્પ સવાલ છે, લગ્ન માટે મારે તો એવી જ છોકરી જોઈએ કે જેનામાં મારી માતા અને દાદી (ઈન્દીરા) બન્નેના ગુણો હોય અને   આવી છોકરી જ મારા માટે ઠીક રહેશે.

રાહુલ ગાંધી હજુ કુંવારા
ઉલ્લેખનીય છે કે રાહુલ ગાંધી હજુ કુંવારા છે અને કદાચ પહેલી વાર રાહુલ ગાંધીએ તેમને ગમતી છોકરીની વાત કરી છે. 

કોઈ પપ્પુ કહે ત્યારે કેવું લાગે છે
રાહુલને એવું પણ પૂછાયું કે જ્યારે કોઈ તમને પપ્પુ કહે છે, તો શું તમને ક્યારેક ખોટું લાગ્યું છે. તેમણે કહ્યું કે ના, આ એક પ્રોપેગેન્ડા કેમ્પેઈન છે અને આ તેમના દિલની વાત છે. રાહુલ ગાંધીએ કહ્યું કે, મને પપ્પુ કહેનાર લોકો અંદરથી ડરેલા છે અને તેમનો ડર બોલી રહ્યો છે. 

ઈન્દીરા ગાંધીને લોકો ગૂંગી ગુડિયા કહેતા 
દાદી ઈન્દીરા વિશે પૂછવામાં આવતા રાહુલે કહ્યું કે તેમને પણ લોકો ગૂંગી ગુડિયા કહેતા હતા. જે લોકો મારા પર 24 કલાક હુમલો કરે છે તેઓ ઈન્દીરા ગાંધીને ગૂંગી ગુડિયા કહીને બોલાવતા હતા. 

કાર નથી પણ ચલાવવી ખૂબ ગમે
રાહુલ ગાંધીએ કહ્યું કે હું ખરેખર કોઇ કારનો માલિક નથી. મારી મા પાસે સીઆરવી છે, હું ચલાવું છું. મને ક્યારેય કારમાં રસ પડ્યો નથી. હા, મને ડ્રાઇવિંગ કરવામાં રસ છે. મારી પાસે મોટર બાઇક છે. મને મોટર બાઇકમાં રસ નથી, પરંતુ મને તે ચલાવવી ગમે છે.