વાયરલ / VIDEO : રાહુલ ગાંધીનું અનોખુ રુપ, ધોધમાર વરસાદમાં નહાતાં નહાતાં લોકોને સંબોધિત કર્યાં

• ભારત જોડો યાત્રા દરમિયાન રાહુલ ગાંધીનું અનોખુ રુપ
• ભારે વરસાદમાં પલળતાં પલળતાં પણ લોકોને સંબોધ્યા 
• કર્ણાટકના મૈસુરમાં ચાલુ વરસાદમાં હજારો લોકોને સંબોધિત કર્યાં 

કોંગ્રેસ નેતા રાહુલ ગાંધી ભારત જોડો યાત્રા લઈને ફરી રહ્યાં છે. રાહુલ ગાંધી રવિવારે તેમની આ યાત્રાને કર્ણાટકના મૈસુરમાં લઈ આવ્યાં હતા પરંતુ અહીં ભારે વરસાદ પડી રહ્યો હતો. આવી સ્થિતિમાં પણ રાહુલ ગાંધીએ હજારો લોકોને સંબોધિત કર્યાં હતા. 

#WATCH | Karnataka: Congress MP Rahul Gandhi addresses a public rally amid rains in Mysuru during the ongoing 'Bharat Jodo Yatra' pic.twitter.com/UuvKxc6dhq

— ANI (@ANI) October 2, 2022

ચાલુ વરસાદમાં હજારો લોકોને કર્યાં સંબોધિત 
રાહુલ ગાંધીની ભારત જોડો યાત્રા રવિવારે મૈસૂર પહોંચી હતી. રાહુલે મૈસુરના એપીએમસી મેદાનમાં લોકોને સંબોધિત કર્યાં અને આ દરમિયાન જોરદાર વરસાદ ચાલી રહ્યો હતો તેમ છતાં પણ રાહુલે રેલી અટકાવી નહોતી અને ચાલુ વરસાદમાં બોલતાં રહ્યાં હતા. 

ભારત જોડો યાત્રામાં પ્રેમ અને ભાઈચારો જોવા મળશે- રાહુલ ગાંધી 
વીડિયોમાં જોઇ શકાય છે કે રાહુલ ગાંધી વરસાદ વચ્ચે રેલીને સંબોધિત કરી રહ્યા છે. જેમાં તેઓ કહી રહ્યા છે કે ભારત જોડો યાત્રા કર્ણાટક પહોંચી ગઈ છે. નદી જેવી યાત્રા કન્યાકુમારીથી કાશ્મીર સુધી ચાલશે. તમને આ નદીમાં હિંસા, નફરત નહીં દેખાય. માત્ર પ્રેમ અને ભાઈચારો જ જોવા મળશે. આ યાત્રા અટકશે નહીં. હવે જુઓ, વરસાદ પડી રહ્યો છે, વરસાદે હજી મુસાફરી બંધ કરી નથી. આ યાત્રાનો હેતુ દેશમાં નફરત ફેલાવી રહેલા ભાજપ અને આરએસએસ સામે ઉભા રહેવાનો છે.

On the evening of Gandhi Jayanthi undeterred by a downpour in Mysuru, @RahulGandhi electrified a sea of people. It was an unequivocal declaration. No force can stop the #BharatJodoYatra from uniting India against hate, from speaking up against unemployment and price rise. pic.twitter.com/1cVSPBiew8

— Jairam Ramesh (@Jairam_Ramesh) October 2, 2022

ભારતને એક કરતા કોઈ નહીં અટકાવી શકે- રાહુલ ગાંધી 
રાહુલ ગાંધીએ પોતાના ઓફિશિયલ ટ્વિટર હેન્ડલ પર પણ આ વીડિયો શેર કર્યો છે. આ સાથે તેમણે લખ્યું, "અમને ભારતને એક કરતા કોઈ રોકી શકશે નહીં. ભારતનો અવાજ ઉઠાવતા અમને કોઈ રોકી શકશે નહીં. કન્યાકુમારીથી લઈને કાશ્મીર સુધી ભારત જોડો યાત્રાને કોઈ નહીં રોકી શકે.