મહામારીમાં મદદ / પ્રજાસત્તાક પર્વે ખુશીના સમાચાર, લોન્ચ થઈ નાકથી અપાતી પહેલી સ્વદેશી કોરોના વેક્સિન

• હવે સિરિન્જથી કોરોના વેક્સિન લેવાનો ડર ગયો
• નાકથી લેવાથી કોરોના વેક્સિન થઈ ગઈ લોન્ચ
• કેન્દ્રીય આરોગ્ય મંત્રી મનસુખ માંડવિયાએ કરી લોન્ચ 

કોરોના સામે ભારતને વધુ એક હથિયાર મળ્યું છે. હવેથી લોકો નાક વાટે પણ કોરોના વેક્સિન લઈ શકશે અને આજે પ્રજાસત્તાક પર્વના ખુશીના પ્રસંગે નાકથી લેવાતી વેક્સિન પણ લોન્ચ થઈ છે. 

Delhi | Union Health Minister Dr Mansukh Mandaviya and Science and Technology Minister Jitendra Singh launch Bharat Biotech’s nasal #COVID19 Made-in-India vaccine iNCOVACC. pic.twitter.com/cSpMIUTXsL

— ANI (@ANI) January 26, 2023

કેન્દ્રીય સ્વાસ્થ્ય મંત્રી મનસુખ માંડવિયાએ કરી લોન્ચ 
કેન્દ્રીય સ્વાસ્થ્ય મંત્રી મનસુખ માંડવિયાએ દિલ્હીમાં સ્વદેશી વેક્સિન મેકર ભારત બાયોટેક દ્વારા બનાવવામાં આવેલી  iNCOVACC વેક્સિન લોન્ચ કરી છે જે આગામી થોડા દિવસમાં બજારમાં આવી જશે અને લોકો તેને લઈ શકશે. 

કેટલી હશે વેક્સિનની કિંમત
ભારત બાયોટેક iNCOVACC વેક્સિન સરકારને 325 રુપિયા પ્રતિ ડોઝમાં વેચશે જ્યારે ખાનગી હોસ્પિટલોમાં તેના એક ડોઝની કિંમત 800 રુપિયા રાખવામાં આવી છે. ડિસેમ્બર 2022માં ભારત બાયોટેકને આ વેક્સિનની મંજૂરી મળી છે. અને હવે માંડવિયાએ તેને લોન્ચ કરી દીધી છે. 

28 દિવસમાં લઈ શકાશે બે ડોઝ 
રસીના બે ડોઝ 28 દિવસના સમયગાળામાં આપવાના રહેશે. વેક્સિન બનાવનાર ભારત બાયોટેકના જણાવ્યા અનુસાર, કોવિન વેબસાઇટ પર જઈને ઇન્ટ્રાનાસલ રસીના ડોઝ માટેની એપોઇન્ટમેન્ટ બુક કરાવી શકાય છે.