ડેટા / ભારત બાયોટેકે જારી કર્યા અંતિમ ટ્રાયલના પરિણામો, જાણો કોવેક્સીન ડેલ્ટા તથા અન્ય વેરિએન્ટ પર કેટલી અસરકારક

• કોવેક્સીનના ફાઈનલ ફેઝ -3ના ડેટાનું વિશ્લેષણ કરી લીધુ
• કોરોનાના વિરુદ્ધ 77.8 ટકા અસરકારક જોવા મળી
• ર ડેલ્ટા વેરિએન્ટ પર 65.2 ટકા અસરદાર જોવા મળી

 કોવેક્સીનના ફાઈનલ ફેઝ -3ના ડેટાનું વિશ્લેષણ કરી લીધુ

ભારતમાં દેશી રસી બનાવનારી કંપની ભારત બાયોટેકે કોવેક્સીનના ત્રીજા અને અંતિમ ચરણના ટ્રાયલ પુરા કરી લીધા છે અને તેના પરિણામો જારી કર્યા છે. હૈદરાબાદ સ્થિત ભારત બાયોટેકે કહ્યું કે તેમણે કોવેક્સીન માટે ફાઈનલ ફેઝ -3ના ડેટાનું વિશ્લેષણ કરી લીધુ છે અને તેમની રસી ગંભીર દર્દીઓ અને ડેલ્ટા વેરિએન્ટના દર્દીઓ પર અસરદાર જોવા મળી છે. ભારત બાયોટેક દ્વારા જારી ટ્રાયલના ડેટા મુજબ ફાયનલ ચરણના ટ્રાયલમાં દેશી રસી કોવેક્સીન કોરોનાના વિરુદ્ધ 77.8 ટકા અસરકારક જોવા મળી છે. ત્યારે દુનિયાભરમાં નવા ટેન્શન આપવાનાર ડેલ્ટા વેરિએન્ટ પર 65.2 ટકા અસરદાર જોવા મળી છે.

 કંપનીએ 130 કોરોનાના કન્ફોર્મ કેસ પર ટ્રાયલ કર્યા

પ્રી પ્રિન્ટ ડેટાનો હવાલો આપતા ભારત બાયોટેકે કહ્યુ કે તેમની રસી સિમ્પટોમેટિક દર્દીની વિરુદ્ધ 77.8 ટકા કારગત છે. ત્યારે ગંભીર દર્દીઓ પર 93.4 ટકા અસરદાર છે. ત્યારે ડેલ્ટાની વિરુદ્ધ 65.2 ટકા કારગત છે. કંપનીએ 130 કોરોનાના કન્ફોર્મ કેસ પર ટ્રાયલ કર્યા છે.

 ટ્રાયલ દેશમાં 25 અલગ અલગ હોસ્પિટલમાં કર્યા હતા

પોતાના અંતિમ ચરણમાં ડેટા વિશ્લેષણના જણાવ્યા મુજબ કંપનીએ કહ્યું કે અસિમ્પટોમેટિક દર્દીઓની વિરુદ્ધ કોવેક્સિન 63.6 ટકા અસરદાર છે. ભારત બાયોટેકના જણાવ્યાનુસાર કોવેક્સીનના ટ્રાયલ દેશમાં 25 અલગ અલગ હોસ્પિટલમાં કર્યા હતા. જેમાંથી લગભગ 25,800 વોલેન્ટિયર્સ સામેલ થયા હતા. જે 18થી 98 વર્ષના હતા. ત્રીજા ચરણના ટ્રાયલમાં ભાગ લેનારાને બન્ને ડોઝ આપવામાં આવ્યા.

જાણો કેટલી અસરદાર છે કોવેક્સીન

• એસિમ્પટોમેટિક કેસ- 63 ટકા અસરદાર
• હળવા, મધ્યમ અને ગંભીર કેસમાં-  78 ટકા અસરદાર
• ડેલ્ટા વેરિએન્ટ- 65 ટકા અસરદાર
• ગંભીર કેસમાં -93 ટકા અસરદાર

આ પહેલા કોવેક્સીનને અમેરિકાએ પણ અસરદાર ગણાવી હતી. અમેરિકાની નેશનલ ઈન્સ્ટીટ્યૂટ ઓફ હેલ્થ (એનઆઈએચ)એ જોયુ હતુ કે કોવેક્સિનથી શરીરમાં બનતી એન્ટીબોડી આલ્ફા અને ડેલ્ટા પર કારગત છે.