વાયરસ / ભારતની કોરોના વેક્સિન પર મોટા સમાચાર, પહેલા ફેઝના ટ્રાયલમાં આવ્યું આ પરિણામ

• ભારત બાયોટેક અને ICMR તરફથી બની રહી છે કોરોનાની રસી 
• કોરોનાની દેશી વેક્સીનનો પહેલો ટ્રાયલ પૂરો 
• હ્યુમન ટ્રાયલમાં આ રસી સુરક્ષિત, હવે બીજો ડોઝ અપાશે 

ભારત બાયોટેક અને આઈસીએમઆર દ્વારા બનાવવામાં આવીએ રહેલી કોરોના વાયરસની રસીનાં ક્લિનિકલ ટ્રાયલમાં પહેલો ફેઝ સફળ રહ્યો છે. ટ્રાયલનાં શરૂઆતનાં પરિણામોમાં કહેવામાં આવ્યું છે કે રસી સંપૂર્ણપણે સુરક્ષિત છે. ભારત બાયોટેક અને ઝાયડસ કેડીલાની આ વેક્સીનનું છ શહેરોમાં હ્યુમન ટ્રાયલ ચાલી રહ્યું છે. 

રોહતકમાં થઇ રહેલા ટ્રાયલની ટીમ લીડર સવિતા વર્માએ કહ્યું કે રસી સુરક્ષિત છે. અમે જેટલા લોકોને આ રસી આપી છે તેમાંથી કોઈ પણ વ્યક્તિમાં તેની આડઅસર જોવા નથી મળી. હવે ટ્રાયલમાં જે તે વ્યક્તિના બ્લડ સેમ્પલ લેવામાં આવી રહ્યા છે જેથી રોગ પ્રતિકારક ક્ષમતા વિશે જાણી શકાય. 

ભારતમાં 12 શહેરોનાં 375 લોકો પર આ રસીનો ટેસ્ટ કરવામાં આવતો છે. અને દરેક વ્યક્તિને બે-બે ડોઝ આપવામાં આવ્યા. હવે તે બધા પર નજર રાખવામાં આવી રહી છે. સવિતા વર્માએ કહ્યું કે હવે અમને જાણ થઇ ગઈ છે કે આ રસી સંપૂર્ણપણે સુરક્ષિત છે. બીજા ચરણમાં જાણવા મળશે કે આ રસી કેટલી અસરકારક છે. તે માટે લોકોના બ્લડ સેમ્પલ લેવામાં આવી રહ્યા છે. 

સુરક્ષિત કોરોના વાયરસની રસી બનાવવાની રેસમાં ભારત પણ સામેલ છે. સરકાર પોતે બધી જ ઘટના પર નજર રાખી રહી છે. કોવાક્સિન ભારતની પહેલી વેક્સીન છે અને ભારત બાયોટેક દ્વારા ICMRનાં સહયોગથી આ રસી બનાવવામાં આવી રહી છે.