મહામારી / કોરોના સામે મળી મોટી સફળતા, આ વેક્સિનનો બૂસ્ટર ડોઝ કરશે ખાતમો, 90 ટકા સુરક્ષાની ગેરન્ટી

• કોવેક્સિનનો બૂસ્ટર ડોઝ કોરોનાનો કરશે ખાતમો 
• ભારત બાયોટેકની ટ્રાયલમાં મળ્યા ઘણા શાનદાર પરિણામ
• કોવેક્સિનનો બૂસ્ટર ડોઝ કોરોના સામે 90 ટકા સુરક્ષા પ્રદાન કરે છે

કોરોના સામેના જંગમાં દેશને વધુ એક મોટી સફળતા મળી છે. કોરોના સામેની ભારતની સ્વદેશી કોવેક્સિનના બૂસ્ટર ડોઝની ટ્રાયલમાં આ વેક્સિન કોરોના સામે 90 ટકા સુરક્ષા આપતી હોવાનું ફલિત થયું છે. કોવેક્સિન બનાવનાર કંપની ભારત બાયોટેકે એવું જણાવ્યું છે કે કોવેક્સિનના બૂસ્ટર ડોઝની ટ્રાયલમાં કોઈ પણ જાતની આડ-અસર વગર લાંબા ગાળાની સુરક્ષાના ઘણા સારા પરિણામ  મળ્યાં છે. 

કોવેક્સિનના બૂસ્ટર ડોઝની ટ્રાયલ સફળ રહી 

કંપનીએ ઉમેર્યું કે આ કોરોના સામે મોટી સફળતા છે. ભારત બાયોટેકે કહ્યું કે તેમની કોવેક્સિનના બૂસ્ટર ડોઝની ટ્રાયલ સફળ રહી છે અને લાંબા ગાળાની સુરક્ષા પ્રદાન કરવામાં સક્ષમ છે. બૂસ્ટર ડોઝની ટ્રાયલમાં કોઈ આડઅસર જોવા મળી નથી તેમજ વાયરસ સામે ઘણા લાંબા સમયની સુરક્ષા પણ મળી છે. 

Bharat Biotech says its trial of Covaxin booster jabs has demonstrated "long-term safety with no serious adverse events"

"90% of recipients had a detectable neutralizing antibody response against the wild-type strain (6 months after the second dose)," the Covaxin maker says pic.twitter.com/4Ldgdx2zoc

— ANI (@ANI) January 8, 2022

કોવેક્સિનનો બૂસ્ટર ડોઝ લીધા બાદ મળી 90 ટકા સુરક્ષા 
કંપનીએ કહ્યું કે જે લોકોને કોવેક્સિનનો બૂસ્ટર ડોઝ આપવામાં આવ્યો હતો તેમનામાં 90 ટકા એન્ડીબોડી બની ગઈ હોવાનું ફલિત થયું છે. આ એન્ટીબોડીને માપી પણ શકાય છે.

હાલમાં  15થી 18 વર્ષના બાળકો માટે કોરોના વેક્સિનેશન
કંપનીએ એવો પણ ખુલાસો કર્યો હતો કે તેની વેક્સિન ફેઝ-2 અને 3 ટ્રાયલમાં 2-18 વર્ષના લોકોાં સુરક્ષિત અને સારી ઈમ્યુનિટી જોવા મળી છે. ઉલ્લેખનીય છે કે 15થી 18 વર્ષના બાળકો માટે કોરોના વેક્સિનેશન કાર્યક્રમ 3 જાન્યુઆરીથી શરુ થયું છે. હાલમાં 15થી 18 વર્ષના કિશોરોને કોવેક્સિન અપાઈ રહી છે.