રાજકારણ / VIDEO : ધાનાણી સ્કૂટર પર નીકળ્યાં ભારત 'બંધ' કરાવવા તો સાંઘાણી સાયકલ પર નીકળ્યાં ચાલુ કરાવવા

• અમરેલી શહેરમાં ભારત બંધને મિશ્ર પ્રતિસાદ
• અમેરલીમાં ભાજપ નેતા દિલીપ સંઘાણી નીકળ્યા
• દિલીપ સંઘાણી સાઇકલ પર નીકળ્યા બજારમાં

એક તરફ ખેડૂતોએ ભારત બંધનું એલાન કર્યું છે. જ્યારે બીજી તરફ નેતાઓ પોતાની રીતે બંધ કરાવવા તો બીજી તરફ બજારને ચાલુ રાખવા નીકળ્યા હતા. અમરેલીમાં એક તરફ કોંગી ધારાસભ્ય પરેશ ધાનાણી ટુ વ્હીલર પર બજારમાં નીકળ્યા અને લોકોને માર્કેટ બંધ કરવા માટે અપીલ કરી રહ્યાં ત્યારે બીજી તરફ પોલીસ કોંગ્રેસ નેતાની પાછળ ગાડી લઈને ભાગી હતી.



અમરેલીમાં બંધને મિશ્ર પ્રતિસાદ મળ્યો છે. સવારે વિપક્ષ નેતા પરેશ ધાનાણી વેપારીઓને બંધ કરવાની અપીલ કરવા માટે નીકળ્યા હતા. જ્યારે બીજી તરફ ભાજપ નેતા દિલીપ સંઘાણીએ પણ સાઈકલ લઈને લોકોને બજાર ખુલ્લી રાખવા માટે અપીલ કરી હતી.


વિપક્ષના નેતા પરેશ ધાનાણી અને પોલીસ વચ્ચે બોલાચાલી

અમરેલી ખાતે વિપક્ષના નેતા પરેશ ધાનાણી વેપારીઓને બંધ પાળવા અપીલ કરી રહ્યાં હતા ત્યારે પોલીસ વચ્ચે પડતા મામલો ગરમાયો જોવા મળ્યો. પરેશ ધાનાણી દ્વારા બંધ પાળવા અપીલ કરી રહ્યાં હતા ત્યારે પોલીસ વચ્ચે પડતા બોલાચાલી થયેલી જોવા મળી. 


અમરેલીમાં પરેશ ધાનાણી બજાર બંધ કરાવવા નીકળ્યા હતા. જો કે વિરોધ પક્ષના નેતા પરેશ ધાનાણી જ્યારે ટૂ વ્હીલર પર બજાર બંધ કરાવવા નીકળ્યા ત્યારે પોલીસ અને પરેશ ધાનાણી વચ્ચે પકડ દાવ જેવી સ્થિતિ જોવી મળી હતી.

પરેશ ધાનાણીને પકડવા પોલીસે ગાડી પાછળ દોડાવી હતી. પોલીસે પરેશ ધાનાણીને બજારમાં ફરતા રોક્યા હતા. ટોળા વળીને અટકાયત કરતા પોલીસ ધાનાણીએ ચીમકી આપતા કહ્યું કે મને કોરોના થશે તો ફરિયાદ તમારી સામે કરીશું.