ભારત બંધ / બૅન્ક યુનિયન દ્વારા બે દિવસ દેશભરમાં હડતાળનું એલાન: મોદી સરકારનું વધશે ટેન્શન, સામાન્ય લોકોને પડશે તકલીફ

• સોમવાર અને મંગળવારે ભારત બંધનું એલાન
• સરકારની જનતા વિરોધી નીતિનો પર્દાફાશ કરશે
• આટલા વિભાગ જોડાશે

ટ્રેડ યુનિયનોએ કેન્દ્ર સરકારની નીતિઓની વિરુદ્ધ બે દિવસ ભારત બંધનું એલાન કર્યું છે. બેંક યુનિયનો પણ આ ભારત બંધ અને હડતાળમાં જોડાવાનો નિર્ણય કર્યો છે. તેમનું કહેવુ છે કે, સરકારી બેંકોના ખાનગીકરણ અને બેંકીંગ કાનૂન અધિનિયમ 2021ને લઈને વિરોધ પ્રદર્શન કરશે. સ્ટેટ બેંકના ગ્રાહકોને સૂચના આપવામાં આવી છે કે, બેંકીંગ સેવાીઓ 28-29 માર્ચે પ્રભાવિત રહેશે.

સોમવાર અને મંગળવારે ભારત બંધનું એલાન 

સેન્ટ્રલ ટ્રેડ યુનિયનોના જોઈન્ટ ફોરમે સોમવાર અને મંગળવારે સરકારની નીતિઓ કર્મચારી વિરોધી હોવાનું જણાવીને રાષ્ટ્રવ્યાપી હડતાળનું આહ્વાન કર્યું છે. ઓલ ઈંડિયા એપ્લોઈઝ એસોસિએશને આ હડતાળને સમર્થન આપ્યું છે. આ કર્મચારી સંગઠનોએ 22 માર્ચે બેઠક કરી હતી. તમામ રાજ્યોમાં પોતાની તૈયારીઓનું સમીક્ષા કર્યા બાદ બે દિવસ હડતાળ પર રહેવાની જાહેરાત કરી હતી.

સરકારની જનતા વિરોધી નીતિનો પર્દાફાશ કરશે

કર્મચારી સંગઠનોનું કહેવુ છે કે, તે કેન્દ્ર સરકારની કર્મચારી વિરોધી, કિસાન વિરોધી, જનતા વિરોધી અને રાષ્ટ્ર વિરોધી નીતિઓ વિરુદ્ધ હડતાળ કરશે. બેંક યુનિયનો સરકારી બેંકોના ખાનગીકરણને લઈને પોતાનો વિરોધ દર્શાવશે. સરકારે 2021ના બજેટમાં વધું બે સરકારી બેંકોનું ખાનગીકરણ કરવાની જાહેરાત કરી છે. 

આટલા વિભાગ જોડાશે

બેંકમાં એવા તમામ કર્મચારી છે, જે રિટાયર થવાના છે. જો તે હડતાળમાં જોડાશે, તે તેમની સેવા અને સુવિધાઓમાં કોઈ અસર નહીં પડે. કોલસા, સ્ટીલ, તેલ, દૂરસંચાર, પોસ્ટ વિભાગ અને વિમા સાથે જોડાયેલા કર્મચારીઓ પણ આ હડતાળમાં જોડાવાના છે. રેલ્વે અને રક્ષા વિભાગ સાથે જોડાયેલા કર્મચારી સંગઠનો મોટા પાયે પર આ હડતાળને સફળ બનાવામાં લાગી ગયા છે.