ભારત બંધ / ‘ભારત બંધ’ની વ્યાપક અસરઃ બંગાળ- ઓડિશામાં ટ્રેનો અટકાવાઈઃ હાઈવે પર ચક્કાજામઃ બેન્કિંગ સેવા પણ ઠપ

• મોદી સરકારની નીતિ વિરુદ્ધ દેશભરમાં બંધ પડાયું
• ૧૦ ટ્રેડ યુનિયનના રપ કરોડ કર્મચારીઓ બંધમાં જોડાયા
• રાહુલે હડતાલ કરનારાઓનાં પક્ષમાં ટ્વીટ કર્યું

આજના ભારત બંધનાં એલાન અને રાષ્ટ્રવ્યાપી હડતાળને સમર્થન મળી રહ્યું છે

આજનાં ભારત બંધની અસર દેશના વ્યાપાર ઉદ્યોગ, બેન્કિંગ અને ટ્રાન્સપોર્ટ સેક્ટર પર જોવા મળી રહી છે. આજનાં ભારત બંધનાં એલાનમાં ઈન્ટુક, આઈટુક, સીટુ, હિંદ મજદૂર સભા, ટીયુસીસી, સેવા, એલપીએફ, યુપીયુસી જેવાં ૧૦ મુખ્ય ટ્રેડ યુનિયન જોડાયાં છે. આ ઉપરાંત વિવિધ સ્વતંત્ર ફેડરેશન એસો‌સિયેશને પણ આજના ભારત બંધનાં એલાન અને રાષ્ટ્રવ્યાપી હડતાળને સમર્થન આપ્યું છે.

West Bengal: Protesters also block railway track in Kanchrapara,North 24 Parganas. Ten trade unions have called for #BharatBandh today against 'anti-worker policies of Central Govt' https://t.co/NkSTHTirXv pic.twitter.com/bbTf9Xydhh

— ANI (@ANI) January 8, 2020

સમગ્ર દેશમાં બંધ પડાયો

આ બંધની સૌથી મોટી અસર પશ્ચિમ બંગાળ, ઓડિશા અને તામિલનાડુમાં જોવા મળી રહી છે. પશ્ચિમ બંગાળ અને ઓડિશામાં અનેક સ્થળોએ ટ્રેન રોકવામાં આવી છે અને હાઈવે પર ચક્કાજામ કરી દેવામાં આવ્યો છે. ભુવનેશ્વરમાં કોંગ્રેસ સમર્થિત ટ્રેડ યુનિયને ચક્કાજામ કરી દીધા હતા. તેમજ ટ્રેનોને પણ રોકી હતી. પશ્ચિમ બંગાળનાં હાવડા ખાતે પણ ટ્રેડ યુનિયનોએ ટ્રેનો રોકી હતી. એ જ રીતે ‌સ‌િલગુડીમાં રાજ્ય સરકારનાં બસ ડ્રાઈવર હેલ્મેટ પહેરીને બસ ચલાવી રહ્યા છે. પશ્ચિમ બંગાળના ઈસ્ટ ‌મિદનાપુરમાં દેખાવકારોએ પબ્લિક ટ્રાન્સપોર્ટની બસો રોકવાનું શરૂ કરી દીધું છે. બંધનાં સમર્થકોએ નેશનલ હાઈવે-૪૧ પર ચક્કાજામ કરી દીધો હતો.

બંધને કારણે કરોડોનાં વ્યવહાર બંધ

આસામનાં ગુવાહાટીમાં પણ ઠેરઠેર હાઈવે અને રસ્તા જામ કરી દેવામાં આવ્યા છે. બેંગલુરુ, દિલ્હી સહિત મોટા ભાગનાં શહેરમાં બંધની અસર જોવા મળી રહી છે, જોકે મોટા ભાગનાં રાજ્યમાં શાળા-કોલેજ રાબેતા મુજબ ચાલુ રહ્યાં છે, પરંતુ બેન્ક સેવા બંધ છે. તેના કારણે કરોડો રૂપિયાનાં નાણાકીય વ્યવહાર પ્રભાવિત થયા છે.

કર્ણાટકમાં બંધ મુદ્દે બસોમાં તોડફોડ

મુંબઈમાં ભારત પેટ્રોલિયમના કર્મચારીઓએ પણ દેખાવો કર્યા હતા. કર્ણાટકનાં મદિકેરીમાં દેખાવકારોએ કર્ણાટક રાજ્ય માર્ગ પરિવહન નિગમની બસોમાં તોડફોડ કરી હતી. પશ્ચિમ બંગાળના હાવડા ઉપરાંત ચોવીસ પરગનામાં બંધનાં સમર્થકોએ ટ્રેનો રોકી દીધી હતી. ખેડૂતોએ એવો દાવો કર્યો છે કે દેશભરમાં ર૪૯ કિસાન સંગઠન અને ૮૦ વિદ્યાર્થી સંગઠનોનું આ બંધને સમર્થન છે. 

રાહુલે હડતાલ કરનારાઓનાં પક્ષમાં ટ્વીટ કર્યું

Siliguri: A North Bengal State Transport Corporation(NBSTC) bus driver wears a helmet in wake of protests during #BharatBandh called by ten trade unions against 'anti-worker policies of Central Govt' #WestBengal pic.twitter.com/ZCbe7uRq4m

— ANI (@ANI) January 8, 2020

મુંબઈમાં શિવસેનાએ પણ ટ્રેડ યુનિયનના ભારત બંધને સમર્થન આપ્યું છે. તામિલનાડુનાં ચેન્નઈ રોડ ખાતે માઉન્ટ રોડ પર કામદારો અને કર્મચારીઓએ દેખાવો કર્યા હતા. ભારત બંધ અંગે કોંગ્રેસના નેતા રાહુલ ગાંધીએ ટ્વિટ કરીને પ્રતિક્રિયા આપતાં જણાવ્યું હતું કે મોદી-શાહ સરકારની જનવિરોધી નીતિઓએ વિનાશકારી બેરોજગારીને વધારી આપણાં જાહેર સાહસોને નબળાં પાડી દીધાં છે. આજે રપ કરોડ કર્મચારીઓ હડતાળ પર છે. હું તે તમામને સલામ કરું છું.