પંજાબ ચૂંટણી / આમ આદમી પાર્ટીના રોડ શો પર પથ્થરમારો, સીએમ ઉમેદવારનું માથું ફોડી નાખ્યું

• પંજાબમાં આમ આદમી પાર્ટીના રોડ શો પર પથ્થરમારો
• ભગવંત માનનું માથું ફોડી નાખ્યું
• હોસ્પિટલમાં કરવી પડી પાટાપીંડી

પંજાબમાં આમ આદમી પાર્ટીના સીએમ ઉમેદવાર અને ધુરી વિધાનસભા સીટથી ચૂંટણી લડી રહેલા ભગવંત માનના કાફલા પર રોડ શો દરમિયાન પથ્થરમારો થયો હતો. આ પથ્થરમારામાં ભગવંત માનના માથામાં ઈજા થઈ હતી અને તેમને હોસ્પિટલમાં લઈ જવામાં આવ્યા હતા. જ્યાં તેમની સારવાર કરવામાં આવી હતી.

ભગવંત માનને માથામાં ઈજા થઈ

આ કાફલા પર પથ્થરમારો અમૃતસરના અટારી એરિયામાં કરવામાં આવ્યો હતો. જ્યાં ભગવંત માન પોતાની પાર્ટીના સ્થાનિક ઉમેદવારના પક્ષમાં રોડ શો કરવા નિકળ્યા હતા. પ્રત્યક્ષદર્શીઓના જણાવ્યા અનુસાર ભગવંત માન પોતાની ગાડીની સનરુફ ખોલીને ઉભા હતા અને લોકોનું અભિવાદન જીલી રહ્યા હતા. આ કોઈએ તેમના પર પથ્થરમારો કરી દીધો, એક પથ્થર માનના માથા પર આવીને વાગ્યો. જેના કારણે તેઓ ઘાયલ થઈ ગયા હતાં.