ગણદેવીના માછિયાવાસણ ગામે મોદીજીના કામના ઢોલક અને મંજિરાના તાલે ગવાયા ભજન, પુણેમાં મયુર નામના ભાજપના કાર્યકરે મોદીજીનું મંદિર બનાવ્યુ.
મોદીજીના કામના ગણદેવીમાં ભજન ગવાયા
ગણદેવીના માછિયાવાસણ ગામે ભજન ગવાયા
ઢોલક અને મંજિરાના તાલે મોદીજીના ભજન
નરેન્દ્ર મોદી એક એવુ નામ છે જે દરેક ગુજરાતી સાથે સંકળાયેલુ છે. ગુજરાતમાં રેકોર્ડ બ્રેક જીત થયા બાદ ગુજરાતમાં જાણે જશ્નનો માહોલ હોય તેવુ લાગી રહ્યું છે. ભાજપના કાર્યકરો અને આગેવાનોનો હરખ સમાતો નથી. નરેન્દ્ર મોદીના ચહેરાને જોઈને દરેક ગુજરાતીએ વોટ કર્યો. નરેન્દ્ર મોદીને પણ ખબર છે કે, સમગ્ર ગુજરાત તેમનું આદર કરે છે. તેમના પર ગર્વ કરે છે. તેમની સાથે તમામ ગુજરાતી ઈમોશનલી જોડાઈ ગયા છે. નરેન્દ્ર મોદી પણ લોકોને કહેતા હોય છે કે તમારે મને મોદી સાહેબ કે, પ્રધાનમંત્રી નહીં કહેવાનો તમારે મને નરેન્દ્ર ભાઈ જ કહેવાનો કારણ કે હું તમારો ભાઈ છું અને ગુજરાતનો દિકરો છું.
વડાપ્રધાન નરેન્દ્ર મોદી પર ગવાયું ભજન
ગુજરાતમાં મોદી મેજીક હજુ યથાવત છે તે વિધાનસભાની ચૂંટણીમાં ભાજપને મળેલી ભવ્ય જીત પરથી જાણી શકાય છે. ગુજરાતમાં મોદી મેજીકે ભૂતકાળના તમામ રેકોર્ડ તોડી નાંખ્યા છે ત્યારે મોદી ભજનનો એક વીડિયો હાલ વાયરલ થયો છે જી હા, તમે બરોબર સાંભળ્યુ. મોદી ભજનનો વીડિયો ગણદેવીના માછિયા વાસણ ગામે મંદિરમાં મોદીના નામના ભજન ગાવામાં આવ્યાં હતા. આ ભજનમાં નરેન્દ્ર મોદીએ કરેલા કાર્યોને ભજનના રૂપમાં ગાવવામાં આવ્યા હતા.
મોદીજીનું મંદિર?
તમે નરેન્દ્ર મોદી પર ગવાયેલુ ભજન તો સાંભળ્યુ પણ તમને ખબર છે કે, નરેન્દ્ર મોદીનુ એક કાર્યકરે મંદિર પણ બનાવ્યુ છે જી હા પુણેમાં મયુર નામના ભાજપના કાર્યકરે મોદીજીનું મંદિર બનાવ્યુ છે તે મંદિર વિશે કહે છે કે હું મોદીજીનો ભક્ત છું, નરેન્દ્ર મોદીએ અનેક મુદ્દાઓને ખતમ કર્યા છે. જેની પર વર્ષોથી રાજનીતિ કરવામાં આવતી હતી. વિશ્વમાં અનેક નેતાઓ થઈ ગયા પણ તેમા નરેન્દ્ર મોદી જેવા નેતા બહુ ઓછા છે. નરેન્દ્ર મોદીને હજારો ફોલોવર્સ છે અને તેમને અનેક લોકો પ્રેમ કરે છે. લોકો તેમના ભજન કરે છે અને તેમના મંદિર પણ બનાવે છે.