પંજાબ / 'હવે ન અપાય' ! CM બનતા પહેલા ભગવંત માને નેતાઓનો વારો પાડ્યો, બંધ કરી મોટી સુવિધા

• પંજાબના ભાવી મુખ્યમંત્રી ભગવંત માનનો મોટો નિર્ણય
• પૂર્વ મંત્રીઓ, ધારાસભ્યો નેતાઓની સુરક્ષા પાછી ખેંચી
• 16 માર્ચે લેવાના છે પંજાબના મુખ્યમંત્રીના શપથ
• આમ આદમી પાર્ટીને ચૂંટણીમાં મળી છે 92 બેઠક

આમ આદમી પાર્ટીના નેતા ભગવંત માનએ પંજાબના મુખ્યમંત્રી તરીકે શપથ લેતા પહેલા જ મોટા નિર્ણયો લેવાનું શરૂ કરી દીધું છે. માનની સૂચનાથી રાજ્ય સરકારે અનેક વીવીઆઈપી અને વરિષ્ઠ નેતાઓની સરકારી સુરક્ષા પર કડક કાર્યવાહી કરી છે.ભાવી સીએમના આદેશ બાદ રાજ્ય સરકારે 122 પૂર્વ ધારાસભ્યોની સુરક્ષા હટાવી દીધી છે.  

નેતાઓ કરતા પંજાબના લોકોની સુરક્ષા મહત્વની-માન 

ભાવી મુખ્યમંત્રી માને કહ્યું કે પોલીસ સ્ટેશનો ખાલી પડ્યાં છે. અમે પોલીસ પાસેથી ફક્ત પોલીસનું જ કામ લઈશું. મને લાગે છે કે થોડા નેતાઓ કરતા પંજાબના લોકોની સુરક્ષા મહત્વની છે. 

Police stations are lying vacant. We will take only police work from police force. I think the security of the people of Punjab is more important than the security of few people: Punjab CM-designate Bhagwant Mann on reports of removing security of former ministers & MLAs pic.twitter.com/upWen0a8Va

— ANI (@ANI) March 12, 2022

પૂર્વ મંત્રીઓ, ધારાસભ્યોની સુરક્ષા પાછી ખેંચાઈ 

પંજાબમાં પૂર્વ ધારાસભ્યો, પૂર્વ મંત્રીઓ અને અનેક વીવીઆઈપીની સુરક્ષા પાછી ખેંચવાના આદેશ શનિવારે જારી કરવામાં આવ્યા છે. કેન્દ્રીય ગૃહમંત્રાલયના નિર્દેશો પર જેમને સુરક્ષા આપવામાં આવી છે તેવા બાદલ પરિવારને બાદલ પરિવારને બાદ કરતા કેપ્ટન અમરિંદર સિંહ અને ચરણજીત સિંહ ચન્ની જેવા પૂર્વ મુખ્યમંત્રીઓ ઉપરાંત કોંગ્રેસ અને અકાલી દળના વરિષ્ઠ નેતાઓની સુરક્ષામાં કાપ મૂકવામાં આવ્યો છે અને અનેક પૂર્વ ધારાસભ્યો પાસેથી સુરક્ષા પાછી ખેંચી લેવામાં આવી છે.

ભગવંત માને વેણુ પ્રસાદને  મુખ્ય સચિવ બનાવ્યાં 

એક દિવસ પહેલા જ પંજાબના નવા મુખ્યમંત્રી ભગવંત માને વેણુ પ્રસાદને પોતાના મુખ્ય સચિવ તરીકે નિયુક્ત કર્યા હતા. વેણુ પ્રસાદ 1991 ની બેચના આઈએએસ છે.

16 માર્ચે પંજાબના મુખ્યમંત્રી પદના શપથ લેશે ભગવંત માન 

AAP નેતા ભગવંત માન 16 માર્ચે પંજાબના મુખ્યમંત્રી પદના શપથ લેશે. ખાસ વાત એ છે કે શપથ ગ્રહણ સમારોહ શહીદ ભગતસિંહના ગામ ખટકરકલાંમાં થશે. ઉલ્લેખનીય છે કે પંજાબમાં 117 વિધાનસભા બેઠકો માટે થયેલી ચૂંટણીમાં આમ આદમી પાર્ટીએ 92 બેઠકો પર જીત મેળવી છે,જ્યારે કોંગ્રેસને 18 બેઠકોથી સંતોષ માનવો પડ્યો છે.