પંજાબ / CM ભગવંત માને પત્તા ખોલ્યા! આ 10 ધારાસભ્યો પર કર્યો વિશ્વાસ, આવતીકાલે મંત્રી પદના લેશે શપથ

• પંજાબમાં શનિવારે કેબિનેટની થશે રચના  
• માનની સરકારમાં 10 મંત્રીઓ થશે સામેલ 
• પંજાબની ચૂંટણીમાં AAPએ 92 બેઠકો જીતી 

રાજ્યપાલ શપથ લેવડાવશે 

પંજાબના ગવર્નર બનવારી લાલ પુરોહિત પંજાબ કેબિનેટમાં સમાવિષ્ટ મંત્રીઓને શપથ લેવડાવશે. જણાવી દઈએ કે ભગવંત માન કેબિનેટમાં 10 મંત્રીઓનો સમાવેશ કરવામાં આવ્યો છે. 
 

पंजाब का नया मंत्रिमंडल कल शपथ ग्रहण करेगा। पंजाब की AAP सरकार में होने वाले सभी मंत्रियों को बहुत-बहुत शुभकामनाएँ।

पंजाब की जनता ने हम सबको बहुत बड़ी ज़िम्मेदारी दी है, हमें दिन-रात मेहनत कर लोगों की सेवा करनी है, पंजाब को एक ईमानदार सरकार देनी है। हमें रंगला पंजाब बनाना है। pic.twitter.com/Z5wDmD9Zpg

— Bhagwant Mann (@BhagwantMann) March 18, 2022

આ નેતાઓ પર વિશ્વાસ વ્યક્ત કર્યો 

પંજાબના મુખ્યમંત્રી ભગવંત માનની કેબિનેટમાં હરપાલ સિંહ ચીમા, ડૉ. બલજીત કૌર, હરભજન સિંહ, ડૉ. વિજય સિંગલા, ગુરમીર સિંહ, લાલ જીત સિંહ ભુલ્લર, બ્રહ્મ શંકર, લાલ ચંદ, કુલદીપ સિંહ ધાલીવાલ અને હરજોત સિંહ બૅન્સનો સમાવેશ થશે. આવતીકાલે યોજાનારી પંજાબ કેબિનેટના શપથ ગ્રહણમાં કુલતાર સિંહ સંધવાન વિધાનસભાના અધ્યક્ષ બનવા જઈ રહ્યા છે.
 
ભગવંત માન તાજેતરમાં CM બન્યા છે

તમને જણાવી દઈએ કે 16 માર્ચે આમ આદમી પાર્ટીના નેતા ભગવંત માને પંજાબના 17માં મુખ્યમંત્રી તરીકે શપથ લીધા હતા. પંજાબના રાજ્યપાલ બનવારી લાલ પુરોહિતે રાજ્યના SBS (શહીદ ભગત સિંહ) નગર જિલ્લામાં શહીદ ભગત સિંહના મૂળ ગામ ખટકર કલાન ખાતે આયોજિત સમારોહમાં ભગવંત માનને શપથ લેવડાવ્યા હતા. જે બાદ આમ આદમી પાર્ટીએ ત્રણ દિવસનું વિધાનસભા સત્ર બોલાવ્યું હતું.

AAPએ પંજાબની ચૂંટણીમાં 117માંથી 92 બેઠકો જીતી

ઉલ્લેખનીય છે કે પંજાબ ચૂંટણીમાં AAPએ 117માંથી 92 સીટો જીતી હતી. આ પછી પંજાબમાં આમ આદમી પાર્ટીએ પોતાની સરકાર બનાવી અને ભગવંત માને રાજ્યની કમાન સંભાળી.