જાહેરાત / BHARAT: હવે BH સીરીઝની મળશે નંબર પ્લેટ, દેશના કોઇપણ ખૂણે ગણાશે માન્ય, જાણો કઇ રીતે કરી શકશો એપ્લાઈ

• નવા વાહનો માટે ભારત સીરીઝને રજૂ કરવામાં આવી
• રોડ ટ્રાન્સપોર્ટ અને હાઈવે મંત્રી નીતિન ગડકરીનું નિવેદન
• કોઈ રજીસ્ટ્રેશન નંબર નહીં હોય અને તેની શરૂઆત BHથી થશે

નવા વાહનો માટે ભારત સીરીઝને રજૂ કરાઈ 

આ નંબર પ્લેટનો આ ફાયદો થશે કે તેના પર કોઈ રાજ્ય અથવા કેન્દ્ર શાસિત પ્રદેશનો રજીસ્ટ્રેશન નંબર નહીં હોય અને તેની શરૂઆત BHથી થશે. જેનાથી કોઈ પણ રાજ્યમાંથી પોતાનુ વાહન અન્ય રાજ્યમાં લઇ જવા માટે તમારો નંબર બદલાવવાની જરૂર હવે સમાપ્ત થઇ ગઇ છે. રોડ ટ્રાન્સપોર્ટ અને હાઈવે મંત્રી નીતિન ગડકરીએ સંસદમાં એક લેખિત નિવેદન જાહેર કરતા કહ્યું કે નવા વાહનો માટે ભારત સીરીઝને રજૂ કરવામાં આવી છે. 

કેટલો ટેક્સ ચૂકવવો પડશે?

BH સીરીઝ નંબર પ્લેટમાં VIP નંબરની સુવિધા પૂરી પાડવામાં આવી નથી અને આ નંબર સામાન્ય નંબરથી બિલ્કુલ અલગ હશે. આ નંબર પ્લેટ પર સૌથી પહેલા ચાલુ વર્ષના છેલ્લાં બે અંક લખવામાં આવશે. પછી BH લખેલુ હશે અને છેલ્લે ચાર અંકનો નંબર લખવામાં આવશે. આ સફેદ રંગની પ્લેટ હશે જેના પર કાળા રંગથી નંબર્સ લખેલા હશે. BH સીરીઝ માટે 10 લાખ રૂપિયા સુધી ખર્ચવાળા વાહનો પર 8 ટકા, 10-20 લાખ રૂપિયા ખર્ચવાળા વાહનો પર 10 ટકા અને 20 લાખથી વધુ કિંમતવાળા વાહનો પર 12 ટકા રોડ ટેક્સ વસુલવામાં આવશે. ડીઝલ વાહનો પર આ આંકડામાં બે ટકા વધુ રોડ ટેક્સ ચૂકવવો પડશે. જ્યારે ઈલેક્ટ્રીક વાહનો પર આ ટેક્સ 2 ટકા ઓછો થઇ જશે. 

આ લોકો પણ ઉઠાવી શકે છે લાભ 

આ BH-Seriesનો લાભ રાજ્ય સરકારના કર્મચારીઓ સિવાય ખાનગી ક્ષેત્રની મોટી કંપનીઓના કર્મચારીઓ પણ ઉઠાવી શકશે. ખાનગી સેક્ટરની જે કંપનીઓના ઓફિસ 4 અથવા તેનાથી વધુ રાજ્યો/કેન્દ્ર શાસિત પ્રદેશોમાં હશે. તેના કર્મચારીઓ તેનો વધુ ફાયદો ઉઠાવી શકે છે. આ સીરીઝનું ફોર્મેટ કઈક આ રીતે થશે. જેમાં નંબર પ્લેટ પર સૌથી પહેલા વર્ષ લખેલુ હશે. ત્યારબાદ ભારત સીરીઝનો કોડ BH લખેલુ હશે અને પછી વાહનનો નંબર રેન્ડમ રીતે નોંધાયેલો હશે.