સાવધાન / પૈસા કમાવા માટે બાળકોનાં વિડીયો બનાવીને સોશ્યલ મીડિયા પર ચડાવતા લોકો ધ્યાન રાખજો, NCPCRએ જાહેર કરી ગાઈડલાઇન્સ

• NCPCR એ જાહેર કરી ગાઈડલાઇન્સ
• સોશિયલ મીડિયા અને ઓટીટી પ્લેટફોર્મને નિયમો લાગુ 
• રાષ્ટ્રીય બાળ અધિકાર આયોગની મજબૂત કમિટી 

રાષ્ટ્રીય બાળ અધિકાર આયોગે એક નવો નિયમ જાહેર કર્યો છે. જેને લઈ હવે મનોરંજનની દુનિયામાં કામ કરતાં બાળકોને તેમના અધિકારોનું રક્ષણ મળશે. જોકે આ ડ્રાફ્ટને 2011માં આયોગે જાહેર કર્યો હતો. પરંતુ હવે તેની સીમાઓ વધારી દેવામાં આવી છે. 

સોશિયલ મીડિયા અને ઓટીટી પ્લેટફોર્મને પણ નિયમો લાગુ 

વર્તમાન સમયમાં સોશિયલ મીડિયા પ્લેટફોર્મથી લઈ ઓટીટી પ્લેટફોર્મ સુધી નાના બાળકો જોડે વધુ કામ લેવામાં આવે છે. કે પછી એમ કહીએ કે તેમનો ઉપયોગ કરવામાં આવે છે. જેને લઈ તેમનું રજીસ્ટ્રેશન કરાવવું જરૂરી પડશે. જેથી હવે સોશિયલ મીડિયા આબને ઓટીટી પ્લેટફોર્મને પણ કવર કરશે. 

રાષ્ટ્રીય બાળ અધિકાર આયોગની મજબૂત કમિટી 

વાસ્તવમાં, આયોગે ગાઈડલાઇનનું ઉલ્લંઘન કરનારાની સામે પહેલાની તુલનામાંમાં પેનલને વધુ મજબૂત કરી છે. રાષ્ટ્રીય બાળ અધિકાર આયોગના પ્રિયંકા કાનૂનગોએ જણાવ્યુ હતું કે, જે બાળકોનું સોશિયલ મીડિયા અને ઓટીટી પ્લેટફોર્મ પર ઉપયોગ કરવામાં આવે છે અને તેઓ ગાઈડલાઈન મુજબ નથી. તો તેમના માતા-પિતાની જવાબદારી ગણવામાં આવશે. જોકે હાલમાં બાળકોની સુરક્ષાને લઈ અલગ-અલગ કાયદાઓ છે . 

મનોરંજનની દુનિયામાં કામ કરવાવાળા બાળકો, આર્ટીસ્ટ કે બાળકોનું જિલ્લા મેજિસ્ટ્રેટ પાસે રજીસ્ટ્રેશન કરાવવું જરૂરી હશે.  નોંધનિય છે કે, આ ગાઈડલાઇનમાં જુવેનાઇલ  જસ્ટિસ એક્ટ-2015, ચાઇલ્ડ લેબર અમેડમેન્ડ એક્ટ-2016, પ્રોટેક્શન ઓફ ચિલ્ડ્રન ફ્રોમ સેક્સુઅલ ઓફેન્સ એકસ-2012 , ઇન્ફોર્મેશન ટેકનોલોજી રૂલ્સ\-2021નો સમાવેશ કરવામાં આવ્યો છે.