ગેસ રિપેર કરવાના નામ પર ફ્રોડ કરવાના મામલા વધી ગયા છે.
ગેસ કનેક્શન ચેક કરવાના બહાને ઘુસે છે ઘરમાં
ઠગો લગાવે છે હજારોનો ચુનો
ઘરમાં ઘુસી પડાવે છે પૈસા
જો તમારા ઘરમાં કોઈ ગેસ રીપેર કરવા માટે આવે તો સાવધાન રહેજો. કારણ કે ગેસ રિપેરિંગના નામ પર લોકોને સારો એવો ચુનો લગાવવામાં આવી રહ્યો છે. હાલ આ પ્રકારના ઘણા કેસ હૈદરાબાદમાં સામે આવ્યા છે. આવા કેસોથી લોકોએ પહેલા જ સાવધાન થઈ જવું જોઈએ. એવામાં ઠગ પોતાના નિશાના અને ઠેકાણા બન્ને બદલી શકે છે. શું ખબર તમારૂ રાજ્ય કે શહેર જ આવા ઠગોના નિશાના પર હોય.
ઠગોએ લગાવ્યો હજારોનો ચુનો
ઠગોએ પાછલા ઘણા દિવસોમાં લોકોને ચુનો લગાવ્યો છે. એક રિપોર્ટ અનુસાર ગયા રવિવારે એક મહિલા નિર્મલાને 6 હજાર રૂપિયાનો ચુનો લગાવ્યો. એક અન્ય વ્યક્તિ પાસેથી 3 હજાર રૂપિયા પડાવ્યા. આ ઉપરાંત ઘણા બીજા મામલા સામે આવ્યા છે. જેમાં લોકો પાસે કારણ વગર બજારો રૂપિયા લેવામાં આવ્યા છે.
કઈ રીતે ઠગ કરે છે છેતરપિંડી?
આ સમજી લેવું ખૂબ જ જરૂરી છે કે આખરે આ ઠગ કઈ રીતે લોકોના ખિસ્સામાંથી પૈસા કાઢી રહ્યા છે. તેમની કામ કરવાની રીત શું છે?
હકીકતે ગેસ રિપેયર ટેક્નિશયન બનીને લોકોના ઘરે જાય છે ઘરના લોકોને જણાવામાં આવે છે કે તેનું ગેસ કનેક્શન ઈન્સ્પેક્શન કરવામાં આવશે. અને જો તે એક વખત ઘરમાં પ્રવેશી ગયા તો ગેસ કનેક્શનમાં કોઈને કોઈ તકલીફ જણાવી અને તેને ઠીક કરવાના નામે પૈસા લઈને ત્યાથી બહાર નિકળી જાય છે.
આ રીતે પડાવ્યા 6 હજાર
ઠગ એક ઘરમાં પહોંચ્યા, એક મહિલાએ દરવાજો ખોલ્યો તો ઠગે જણાવ્યું કે તે પ્રાઈવેટ ગેસ એજન્સીમાંથી આવ્યા છે. અને ગેસની તપાસ કરવામાં આવશે. મહિલાએ તેમને ઘરમાં આવીને ગેસની તપાસ કરવા માટેની પરવાનગી આપી. ગેસની તપાસ કરી ઠગોએ જણાવ્યું કે ગેસ ખતરનાક રીતે લીકેજ થઈ રહ્યો છે અને તેમાં ગમે ત્યારે આગ લાગીને બ્લાસ્ટ થઈ શકે છે. આ વાત સાંભળીને મહિલા ગભરાઈ ગઈ. ઠગોએ આ પ્રોબ્લેમને ફિક્સ કરવા માટે 6000 રૂપિયાની ચર્ચ જણાવ્યો. મહિલા ગભરાઈ ગઈ હતી માટે તેણે પૈસા આપી દીધા.