છેલ્લા કેટલાક મહિનાઓથી બેંકિંગ ફ્રોડના કેસમાં સતત વધારો થઈ રહ્યો છે અને બેંક ગ્રાહકોને નુકસાન થઈ રહ્યું છે. સૌથી વધારે ટાર્ગેટ ડિજિટલ બેંકિંગ અને સાથે ઓનલાઈન ટ્રાન્ઝેક્શન કરનારાને કરવામાં આવી રહ્યા છે. આ સમયે ગૃહમંત્રાલયે એક લોકોને પોતાના બેંક એકાઉન્ટને લઈને સાવધાનીનું એલર્ટ જાહેર કર્યું છે.
ગૃહમંત્રાલયનું ખાસ એલર્ટ
બેંકિંગ ફ્રોડના કેસમાં થઈ રહ્યો છે સતત વધારો
ડિજિટલ બેંકિંગ અને સાથે ઓનલાઈન ટ્રાન્ઝેક્શન કરનારા બન્યા છે ટાર્ગેટ
વધતા ફ્રોડ કેસને લઈને હાલમાં દરેક બેંક એલર્ટ પર છે અને સાથે જ પોતાના ગ્રાહકોને પણ સતર્ક રહેવા કહેવાઈ રહ્યું છે. સરકાર પણ આ મામલે સતર્ક બની છે. આરબીઆઈ, એનપીસીઆઈ પણ એલર્ટ છે. સમયાંતરે તેઓ ગ્રાહકોને એલર્ટ કરતા રહે છે. સાઈબર ક્રિમિનલ લોકોને લૂટંવાની અનેક રીતો અપનાવે છે અને પછી તેમને શિકાર બનાવે છે. થોડા સમયથી ક્રિમિનલ આ રીતે ફ્રોડની નવી રીત અપનાવી રહ્યા છે તેની જાણકારી ગૃહમંત્રાલયે આપી છે.
સરકારે ટ્વિટર પર આપી જાણકારી
સરકારે પોતાના ટ્વિટર હેન્ડલ Cyber Dost પર ટ્વિટ કરીને લોકોને ફ્રોડની નવી રીત વિશે જાણકારી આપીને સતર્ક કર્યા છે. મંત્રાલયે લોકોને કહ્યું છે કે આજકાલ ફ્રોડસ્ટર્સ લોકોને એસએમએસ મોકલીને તેમના એકાઉન્ટથી પૈસા ઉડાવી રહ્યા છે. લોકો કોઈ પણ મેસેજમાં આવતી લિંક પર ક્લિક ન કરે. જો તમને આવો કોઈ મેસેજ મળે છે તો તેની ફરિયાદ તરત જ સાઈબર ક્રાઇમ પોલીસમાં કરો તે આવશ્યક છે.
યૂઝર્સને એક મેસેજ મોકલાઈ રહ્યો છે જેમાં લખ્યું હોય છે કે એકાઉન્ટમાં નોમિની જોડાયા છે. તમે 30 મિનિટમાં નોમિનીના ખાતામાં રૂપિયા ટ્રાન્સફર કરી શકશો. જો તમે આવું નહીં કર્યું તો આ લિંક પર ક્લિક કરીને તમે તમારી ફરિયાદ કરી શકો છો.
લિંક પર ક્લિક કરીને જાણકારી ચોરી કરાઈ રહી છે
આ લિંક પર ક્લિક કરીને હૈકર્સ તમારી દરેક જાણકારી ચોરી શકે છે. એવામાં ક્યારેય પણ કોઈ આવી લિંક પર ક્લિક ન કરો કેમકે અનેક વાર લોકો વિચાર્યા વિના લિંક પર ક્લિક કરે છે અને હેકર્સ તેમની જાણકારી મેળવી શકે છે.
આ સિવાય આજકાલ ફ્રોડસ્ટર્સ સ્કેમર, ફિશિંગ ઈમેલ, એસએમએસ અને ફોન કોલ કરીને લોકો રૂપિયા ઉડાવી રહ્યા છે. આ ફ્રોડસ્ટર્સ પોતાને બેંક ઓફિસર, આરબીઆઈ ઓફિસર, ઈન્કમ ટેક્સ ઓફિસર કહીને દગો કરી રહ્યા છે. એટલું નહીં આ ઠગ ખોટા બેંકિંગ એપ બનાવી રહ્યા છે જેમાં ગ્રાહકો ફસાઈ જાય છે. જ્યારે યૂઝર્સ આ સાઈબર એપ ડાઉનલોડ કરી લે છે તો સાઈબર ફ્રોડસ્ટર્સ તેમા ખાતામાં ઘૂસે છે અને દગાખોરીની ઘટનાઓ બને છે.