રિઝર્વ બેંક ઓફ ઈન્ડિયા લોકોને ફ્રોડથી બચાવવા માટે કેમ્પેઈન ચલાવી રહી છે. આમ તો આરબીઆઈ ઓનલાઈન બેન્કિંગ RBI ઓનલાઈન બેન્કિગને લઈને અનેકવાર ચેતવણી જારી કરી ચૂકી છે. પરંતુ જે સ્પીડથી ઈન્ટરનેટ બેન્કિંગ તરફ લોકોની પસંદગી ઢળી રહી છે. તે જ ગતિથી બેંક ફ્રોડ પણ સતત વધી રહ્યા છે. RBI પોતાના આ અભિયાનમાં સામાન્ય લોકોને ઓનલાઈન ફ્રોડ અને બેંકિંગ સાથે જોડાયેલા તમામ લેવડ દેવડને લઈને જાગૃત કરી રહી છે.
RBIના નામ પર આવનારા કેટલાક ઈમેઈલથી બચો
તમારા અકાઉન્ટમાં જમા થયેલી રકમને સાફ કરી નાંખે છે.
RBI તરફથી કોઈ ઈમેલ કે મેસેજ મોકલવામાં આવ્યા નથી
કેન્દ્રીય બેંકે જણાવ્યું કે RBIના નામ પર આવનારા કેટલાક ઈમેઈલથી બચો. RBIના નામથી આવનારા ઈમેલ તમારા અકાઉન્ટમાં જમા થયેલી રકમને સાફ કરી નાંખે છે.
RBIએ કહ્યું કે તેમના નામ પર ડમી ઈમેઈલ આવે છે. આ ઈમેલમાં કહેવામાં આવે છે કે તમે ઈનામ જીત્યા છો. એ બાદ લાખોના ઈનામની રકમ માટે પ્રોસેસિંગ ફી અને અન્ય ચાર્જ તરીકે પૈસા માંગે છે. RBI એ સ્પષ્ટ કર્યું છે કે તેમના તરફથી કોઈ ઈમેલ કે મેસેજ મોકલવામાં આવ્યા નથી.
સેન્ટ્રલ બેંકે કહ્યું છે કે RBIના નામ પર ડમી ઈમેલ મોકલનારા RBI અને રિઝર્વ બેંક જેવા નામોનો ઉપયોગ કરે છે. જેથી લોકો તેના તરફ વધારે ધ્યાન ન આપે. જો તમે છેતરપિંડીથી બચવા માંગો છો તો જરૂર ચેક કરો કે ઈમેઈલ કયા એડ્રેસ પરથી આવ્યો છે. થોડીક પણ શંકા જાય તો તેમે તે ઈમેઈલમાં કોઈ માહિતી શેર ન કરો. RBIએ કહ્યું છે કે આવા ઈમેઈલ અને મેસેજના જવાબ ન આપો.